Pinili ng aktor at Tarlac Second District board member na si Arron Villaflor ang kapayapaan sa gitna ng mga ingay at kontrobersiya dahil sa pagkakasangkot niya sa isang maselang isyu.
Sampung araw matapos pumutok ang balitang kabilang siya umano sa mga entertainment personality na iniuugnay sa kumakalat na intimate videos, ibinahagi ni Arron sa kanyang Instagram account noong Linggo, Marso 8, 2026, ang larawan niya na kuha sa tabing-dagat.
Read: Alleged video scandal ng "The Big Four" kumakalat
Mapayapang-mapayapa ang mukha ni Arron sa litratong ginamitan nito ng caption na “Peace over noise.”
Malinaw itong pahiwatig sa kanyang mga tagasubaybay ng kasalukuyang kalagayan ng pagkatao niya.
View this post on Instagram
ARRON TO BE VISIBLE AGAIN FOR THE PROMO OF HIS MOVIE
Si Arron ang lead actor sa Pater Noster, ang pelikulang mapapanood sa mga sinehan simula sa Marso 25, 2026.
Dahil sa social media post niyang “peace over noise, inaasahang magiging visible na uli si Arron sa mga promo guesting nito para sa Pater Noster, matapos ang kanyang isang linggong pananahimik na pinaniniwalaang epekto ng kontrobersyal na usapin.
Ipinagmamalaki ni Arron ang Pater Noster (salitang Latin ng Our Father) dahil sa makabuluhang kuwento at magagandang eksena ng crime-drama movie na mula sa direksiyon ng Syrian-American na si Moutaz Kotrob.
Ang karakter na ginampanan ni Arron sa Pater Noster ang hudyat ng pagtalikod niya sa pagtanggap ng sexy movie projects dahil sa kanyang posisyon bilang board member ng lalawigan ng Tarlac.
Sa panayam ng Cabinet Files kay Arron, sinabi nitong kailangan niyang maging magandang halimbawa o role model sa mga kababayan na kanyang pinaglilingkuran.
“Yes, of course! As a public servant and yung image na we’re projecting to our fellow Filipinos, hindi na siya katulad ng dati na we have to accept this sexy movies.
"It’s not that easy, compared before. Right now, I have to choose my work,” deklarasyon ni Arron.
May dapat ipagmalaki si Arron dahil nagustuhan ng entertainment press ang trailer ng Pater Noster nang ipakita ito sa media conference ng proyektong pinangungunahan nila ni Archi Adamos.
Read: Arron Villaflor: "No more sexy roles."