Naging makabuluhan para kay Ai-Ai delas Alas ang Women’s Month ngayong Marso dahil officially divorced na sila ng kanyang dating asawa na si Gerald Sibayan.
Natanggap ni Ai-Ai noong Marso 9, 2026 ang kopya ng desisyon ng Superior Court of California, County of San Joaquin, tungkol sa diborsyo na inihain niya noong Marso 2025.
Read: Ai-Ai delas Alas sells engagement and wedding rings “for closure”
“Freedom!” pahayag ni Ai-Ai nang hingin ng Cabinet Files ang kanyang reaksiyon tungkol sa diborsiyo nila ng dating asawa niya.
“Happy ako dahil single na uli ako.
"Parang half na nabubuo na ulit ako bilang Martina Eileen delas Alas. Wala nang Sibayan.
“And one more to go, hinintay ko lang ang resulta ng divorce namin para makapag-apply na ako ng church annulment.”
Balak daw ni Ai-Ai ipagdiwang sa Amerika ang kalayaan at handang-handa na rin siya na “I-restart” ang buhay niya.
Read: Ai-Ai delas Alas admits marrying Gerald was a wrong decision
REVOCATION OF GERALD'S GREEN CARD
Ang paghahain ng diborsiyo ang isa sa mga hakbang ni Ai-Ai para sa revocation o pagbawi niya sa Petition for Alien Relative para kay Gerald.
Pinaboran at ipinagkaloob ito ng U.S. Citizenship and Immigration Service ( USCIS) noong Marso 17, 2025.
Nakasaad sa desisyon ng USCIS: “After a thorough review of your petition and the record of evidence, we must inform you that the approval of your petition has been automatically revoked.”
Ang natuklasan ni Ai-Ai na "third party" sa relasyon nila ni Gerald ang isa sa mga dahilan na inilahad niya sa kanyang pagbawi sa petisyon na maging permanent resident ng Amerika si Gerald.
Ikinasal sina Ai-Ai at Gerald noong December 12, 2017 pagkatapos ng tatlong taon nilang pagiging magkasintahan.
Read: Ai-Ai delas Alas says husband Gerald Sibayan’s green card revoked