“I will refrain from making further comments while the investigation is going.”
Ito ang bahagi ng opisyal na pahayag na inilabas ng aktor at Tarlac Second District board member na si Arron Villaflor, noong Marso 10, 2026, tungkol sa kanyang leaked video scandal na pinagpistahan ng publiko.
Pero hindi natupad ang salitang binitiwan ni Arron dahil sa kanyang live guesting sa news program na One Balita Pilipinas ngayong Lunes, Marso 16, nagsalita pa rin siya tungkol sa eskandalong kinasangkutan niya.
Read: Arron Villaflor finally addresses alleged video scandal
Sa panayam ni MJ Marfori, iginiit ni Arron na tulad ng mga babae, nagiging biktima rin ang mga kalalakihan dahil naranasan raw niya ito nang personal.
“I am good. I am very, very much okay now,” sagot ni Arron nang kumustahin siya ni MJ.
“I already released my statement.
"It turns out na it’s not only women who can become victims, men can be victims also.
“So for me, it is not only for me but also for the people who may be victimized by this syndicate."
Naniniwala si Arron na may sindikato sa likod ng mga kumakalat at diumano’y ibinebentang sex videos ng male entertainment personalities.
"This must stop. Kailangan na talagang mahinto ang mga bagay na ito, itong sindikato na ito.
“They sell it. Yun ang masama dun.
"And again, in a legal way naman, unauthorized recording or distribution of private videos is a clear violation of Republic Act 9995, so kailangan matigil na ito.”
Read: Alleged video scandal ng "The Big Four" kumakalat
ARRON VILLAFLOR MORE OPEN TALKING ABOUT HIS ISSUE
Mula nang aminin niyang isa siya sa mga personalidad na tampok sa mga kontrobersiyal na video, naging kumportable na si Arron na pag-usapan ang isyu.
Binanggit din niyang kumukuha siya ng lakas mula sa kanyang pamilya at sa Panginoong Diyos.
Saad ni Arron: “Maraming mga pagsubok ang darating talaga sa buhay. But then again, it’s how we will react about it.
"So now, I have a lot of work to do in my province as a board member.
“I am grateful and happy na these people are very supportive until now despite the issue, so I don’t wanna destroy their trust.”
Nag-guest si Arron sa One Balita Pilipinas para sa promo ng Pater Noster, ang pelikulang pinagbibidahan nila ni Archi Adamos na itatanghal sa mga sinehan simula sa Marso 25.