Malalim na buntong-hininga ang pinakawalan ni Noel Comia Jr. bago ito nagsalita tungkol sa nalalapit na pagtatapos ng Bagets The Musical sa Marso 22, 2026.
Si Noel ang gumaganap na Gilbert sa musical na nag-umpisa ang pagtatanghal sa Newport Performing Arts Theater, Pasay City, noong Enero 23, 2026.
Naging malapit si Noel sa lahat ng cast ng Bagets The Musical kaya nakararanas na raw siya ng separation anxiety habang papalapit ang pagwawakas ng kanilang musical play.
Read: Lella Ford grateful to Kaila Estrada for making brother Daniel Padilla "happy"
Kuwento ng young actor sa Cabinet Files: “Sa totoo lang po, nakakalungkot, nakaka-senti.
"Among my other production stints po, parang ito yung naramdaman ko na pinaka-close ko yung mga tao. Naging family na rin po kami.
“Sa dami na po ng mga pinagdaanan namin, sa rehearsals saka sa show, mami-miss ko yung ganoong feeling.
"Every weekend, may pupuntahan ako. Makikita ko po sila.
“Ngayon po nag-uusap-usap na kami kung lalabas po kami after ng show. 'Friends pa rin tayo after nito,' yung mga ganoon.
“Totoo po yon, magiging friends pa rin po kami after Bagets.”
NOEL COMIA JR. ON ANDRES MUHLACH AND KD ESTRADA
Sina Andres Muhlach at KD Estrada ang ilan sa mga artista ng Bagets The Musical na naging kaibigan ni Noel.
Pinatotohanan ni Noel na napapagalitan sila kapag nagkakamali dahil walang special treatment at pantay-pantay ang trato sa kanila ng production staff.
Saad niya: “Actually, natuwa po ako kasi iniisip ko sobrang big stars ng mga makakasama ko, si Andres, si KD Estrada…
“They’re known pero nung nag-start na po yung rehearsals namin, first impression agad, walang arti-artista rito.
“We’re equal here, this one production, we want to make it good.
“Simula nung magkaroon kami ng mindset na ganoon, gusto lang naming pagandahin yung show, magawa yung best namin araw-araw, no matter what it takes.”
Read: Nico Locco, tukoy na ang tunay na katauhan ng babaeng kasama niya sa video scandal
NOEL COMIA JR. RECALLS BAGETS AUDITION
Si Herbert Bautista ang gumanap na Gilbert sa movie version ng Bagets na ipinalabas sa mga sinehan noong 1984.
Hindi pa ipinanganganak si Noel noong 1984 kaya wala itong alam tungkol sa pelikulang pinagbidahan nina Herbert, Aga Muhlach, William Martinez, JC Bonnin, at Raymond Launchengco.
Pero sinubukan niya ang kapalaran sa audition na ipinatawag para sa mga interesadong maging bahagi ng Bagets The Musical.
Pagbabalik-alaala ni Noel: “For Bagets audition, hindi ko pa po napapanood yung movie. I have no idea what’s the movie all about.
"So, nung tinanong ko po yung music director namin, 'Ano po yung magandang i-audition na role?'
“Sabi niya, ‘E, di Bagets!’
“So, nag-research na lang po ako kung ano yung pinaka-swak na role, and I saw Sir Herbert Bautista’s performance. Sabi ko, parang gusto kong i-try.
“I’m so happy kasi nagustuhan po ng mga tao yung performance ko.”
Hindi makapaniwala si Noel na ang karakter ni Herbert sa pelikula ang ibibigay sa kanya sa Bagets The Musical.
“Actually, hindi ko rin po alam kung mabibigyan ako ng lead role or ng ensemble role. They asked me if I was okay with an ensemble role or lead role.
"I have much respect for the ensemble. I have much respect for the lead role.
"Pero sabi ko, 'Gusto ko po lead if ever mabigyan ng chance,'" nagpakatotoong lahad ni Noel.
Hindi napanood ni Herbert ang pagganap ni Noel sa katauhan ni Gilbert. Pero nang magkita sila, pinuri niya ang 21-year-old actor.
Ayon kay Noel: “Nagkita po kami ni Sir Herbert. Sabi niya po sa akin, natutuwa siya kasi naririnig daw niya na kuhang-kuha ko po raw yung pagganap niya as Gilbert sa Bagets The Movie.
“Nakakatuwa po pero nanghihinayang lang ako dahil hindi siya nakapanood ng show ko."
BAGETS ROLE LANDS NOEL A MANAGEMENT CONTRACT WITH VIVA
Naniniwala si Noel na nakatadhana ang partisipasyon niya sa Bagets The Musical.
Ito ang naging instrumento para alukin siya ng management contract ni Boss Vic del Rosario ng Viva Entertainment na bumilib sa kanyang talento sa pag-arte at pagkanta.
“Sa tingin ko po, parang planado lahat ng ito kaya nung tinanong po ako when I decided it was the right time to go to Viva, I just felt that it was. It’s the right time,” sabi ni Noel.
Kumpiyansa si Noel na makikilala na siya ng publiko dahil Viva contract artist na siya, kahit nagbida na siya noon sa pelikula at mga TV series bilang child actor.
Si Noel ay naging contestant sa The Voice Kids Season 3 noong 2016, kung saan napabilang siya sa Team Lea.
Noong 2021 ay nagbida siya sa TV5 primetime series na Niño Niña.
Noong 2025 ay tampok siya sa dalawang Kapamilya primetime series, ang Incognito at It's Okay To Not Be Okay (bilang young Carlo Aquino).
Saad ni Noel: “I want to be known by people. Kasi before, I was focusing on work na more on my passion.
"Pero now, as what we’ve talked with Boss Vic, we want to be known by people po and work on things na mas patok sa audience—television series, films, like teen dramas.
“If possible, gusto ko rin po ma-incorporate ang musicality sa future projects ko with Viva. I also write my own songs, my own music.”
Read: Netizens, kinuwestiyon ang sabay-sabay pag-graduate ng apat na celebs sa PCU