Hindi pa natatapos ng aktres ang college course nito dahil huminto siya sa pag-aaral.
May kinalaman sa paghinto sa pag-aaral ng aktres ang paghihiwalay nila ng kanyang kasintahan.
Mula sa mayamang pamilya ang ex-boyfriend na nagpapaaral sa aktres.
Bukod sa pagbabayad ng tuition fee at ibang school expenses, may natatanggap na monthly allowance ang aktres mula sa dating kasintahan.
Sunod ang lahat ng luho ng aktres dahil ibinibili rin siya ng dating karelasyon ng mga mamahaling gamit.
Pero nagwakas ang mariwasang pamumuhay ng aktres nang maghiwalay sila ng kanyang ex-boyfriend.
Hindi naging tapat ang aktres sa relasyon ng ex-boyfriend.
Sinunod ng aktres ang tibok ng kanyang puso dahil nagmahal siya ng ibang lalaki.
NOT JUST THE END OF A RELATIONSHIP
Naramdaman ng dating boyfriend ang unti-unting panlalamig sa kanya ng aktres hanggang matuklasan niya ang masakit na katotohanang dalawa sila sa buhay ng babae.
Gumuho ang mundo ng ex-boyfriend ng aktres dahil nawasak ang lahat ng pangarap niya para sa kanilang dalawa, tulad ng pagpapakasal kapag nakapagtapos na ng kurso ang kanyang girlfriend.
May respeto at malaki ang pagmamahal sa sarili ng ex-boyfriend, na sobrang nasaktan kaya pinutol niya ang pakikipagrelasyon sa aktres.
Buhat nang magkahiwalay ang dalawa, tumigil na rin ang aktres sa pag-aaral dahil wala nang tutustos sa kanya.
ibinenta na rin niya ang mamamahaling gamit na iniregalo ng dating boyfriend para magkaroon siya ng karagdagang pera.
Read: Imelda Schweighart, tinanggal bilang kandidata ng MUPH 2026?