Popular search sa social media at trending sa X (dating Twitter) simula kahapon, Abril 24, 2026, hanggang ngayong Sabado, Abril 25, 2026, ang pangalan ni Manuel Chua.
Ito ay dahil iniuugnay siya sa pinakabagong kumakalat na video scandal.
Si Manuel ang diumano’y karagdagan sa listahan ng mga aktor na biktima ng “sindikato” na palihim na kinukunan ng video ang mga pribadong sandali nang lingid sa kanilang kaalaman.
"Manuel Chuable" ang handle ni Manuel sa X.
Nararanasan ngayon ni Manuel na mag-trending sa social media sa hindi wastong paraan dahil sa video scandal diumano niya na lantarang pinagpapasa-pasahan at ibinebenta ng mga taong patuloy na ipinagwawalang-bahala at nilalabag ang Republic Act No. 9995 (Anti-Photo and Video Voyeurism Act of 2009).
Hindi pa naglalabas ng pahayag si Manuel tungkol sa video scandal na iniuugnay sa kanya, pero disabled na ang comments section sa official Facebook page nito.
Samantala, gaya ng ibang mga aktor na biktima ng pagkalat ng private videos, nadagdagan na rin ang bilang ng Instagram followers niya.
Read: Video scandal ng actor-politician, nagsisimula nang kumalat
THE OTHER VICTIMS
Nag-umpisa ang showbiz career ni Manuel nang sumali siya sa Pinoy Fear Factor, ang reality competition show ng ABS-CBN na napanood sa telebisyon mula Nobyembre 2008 hanggang Pebrero 2009.
Noong 2022, sinubukan ni Manuel ang kapalaran sa serbisyo publiko nang kumandidato siyang konsehal ng San Jose, Nueva Ecija.
Pinalad si Manuel na magwagi at, sa kasalukuyan, naglililingkod pa rin siya bilang konsehal ng kanilang bayan.
Ang Sins of the Father (June 2025-November 2025), ang crime-drama thriller ng ABS-CBN, ang huling TV series project ni Manuel; at ang Labyu with an Accent (2022) ang pinakahuling pelikulang ginawa niya.
Hindi si Manuel ang unang aktor at public official na nasangkot sa video scandal controversy.
Nauna nang nadawit si Arron Villaflor na board member sa ikalawang distrito ng lalawigan ng Tarlac.
Inamin ni Arron at ng mga kapwa aktor na sina Gil Cuerva, Nikko Natividad, Ron Angeles, at Nico Locco na mga biktima sila.
Nagpahayag ang ilan sa kanila ng intensiyong maghain ng reklamo laban sa mga nambiktima sa kanila. Pero hindi pa sila nagbibigay ng bagong pahayag tungkol sa estado ng usapin.
Nagiging normal na ang lantarang pagbebenta at pag-aalok sa iba’t ibang social media platforms ng mga libreng kopya ng mga video scandal na kinasasangkutan ng mga aktor at kilalang personalidad.
Isa itong nakababahalang sitwasyon na tila hindi pinagtutuunan ng pansin ng pamahalaan dahil hindi pa natutukoy at pinananagot sa batas ang mga tao sa likod ng krimen.
Related Stories:
- Alleged video scandal ng "The Big Four" kumakalat
- Hubaderos 2026 1Q: The Big Four, Piolo, sexy actors on fire
- Ron Angeles spills details about viral video scandal
- Andre Cue, umamin sa kinasasangkutang video scandal
- Nico Locco on leaked video scandal: "Yes. It’s me."
- Arron Villaflor finally addresses alleged video scandal
- Benjie at Andre Paras itinangging may video scandal si Kobe Paras
- Nikko Natividad admits video scandal: "Nademonyo ako, natukso."
- Gil Cuerva breaks silence amid leaked video scandal
- Tatlong biktima sa leaked video scandal, pare-pareho ang kuwento
- Ron Angeles, nagsampa ng reklamo kaugnay ng leaked video scandal