Nakamit ng Filipino singer na si Matty Juniosa, 27, ang kanyang ikalawang Golden Buzzer sa Britain’s Got Talent sa episode nitong Sabado, Abril 25, 2026 (Linggo, Abril 26, sa Pilipinas).
Dahil dito, awtomatiko na siyang pasok sa finals ng British talent show competition.
Unang natanggap ni Matty ang Golden Buzzer mula sa hurado na si Simon Cowell sa audition niya sa Series 19 ng Britain’s Got Talent, isang buwan na ang nakalilipas.
Pinahanga ni Matty ang lahat nang awitin niya ang "Purple Rain," ang kantang pinasikat ng American singer na si Prince noong 1984.
Read: Filipino Matty Juniosa earns Golden Buzzer on Britain's Got Talent
MATTY GETS HIS SECOND GOLDEN BUZZER
Para sa live semi-final ng Britain’s Got Talent nitong Sabado, ang "Dream On" ng Aerosmith ang kinanta ni Matty.
Dahil sa husay na ipinamalas niya, ibinigay sa kanya ni Amanda Holden ang Golden Buzzer.
Tumanggap din siya ng standing ovation mula sa live audience.
“I said to the producers, 'What happens if I don’t give out my Golden Buzzer?' And they said, 'Well, it goes to the audience.’
“I wasn’t going to let it go to the audience,” sabi ni Amanda bago nito pinindot ang Golden Buzzer.
Ikinagalak ito nang husto ni Matty at ng pamilya nitong lumipad sa United Kingdom mula sa Pilipinas para panoorin siya.
Mensahe naman ni Simon Cowell sa kanya: “Your range is incredible and you are the sweetest person. Two Golden Buzzers, that isn’t bad is it? I’m so happy for you."
Read: 2PM's Ok Taecyeon marries longtime non-celebrity fiancée
SECOND GOLDEN BUZZER ISSUE
Pero sa kabila ng ipinakitang husay ni Matty sa pagkanta, isyu para sa ilang sumusubaybay sa Britain’s Got Talent ang Golden Buzzer na natanggap niya sa ikalawang pagkakataon.
Mababasa sa social media ang mga reaksiyon at pagdududa ng ibang netizens, na base sa mga pangalan ay foreigners, na inilagay sa huli ang pagtatanghal ni Matty.
Hinala nila, talagang bibigyan ng Golden Buzzer ang Filipino singer.
Komento ng isa (published as is): “What a coincidence they save the best till last and now Amanda has to give him the golden buzzer again when she could used it for someone who never got one."
Tanong ng isa: “Do the judges press their Golden Buzzer at the end now? Otherwise Amanda has to be put the singer through and he’s the last act of the night."
Saad ng isa pa: “Was clear the whole night that she was waiting for him."
Dagdag naman ng isang netizen: “Amanda knew who she was going to press before the show started, and this proves my point. Didn’t matter who else was on tonight."
Post naman ng isa: “So why didn’t Amanda say about the producers and her golden buzzer before this act came on. It was obvious she’s waiting for Simon’s 2nd act. So bad."
Opinyon ng isa pa: “It was done by design for him to be the last act. They literally waited until the end for him to receive the golden buzzer from Amanda.@BGT don’t want to hide the fact that they want him to win the whole show."
Pero kahit ano pa ang kanilang sabihin, hindi matatawaran ang galing sa pagkanta ni Matty.
Naniniwala rin ang maraming malaki ang tsansang manalo ni Matty sa finals night ng Britain’s Got Talent na magaganap sa Mayo 30, 2026.
Read: Miss Universe Philippines 2026: Where to watch and key details