Hindi nagtagumpay ang pamahalaan na maibalik sa Pilipinas mula sa Czech Republic ang puganteng si dating Congressman Zaldy Co.
Dahil dito, patuloy ang "Catch Me If You Can" saga ng dating Ako Bicol party-list representative na tinutugis ng batas dahil sa pagkakasangkot nito sa bilyun-bilyong pisong anomalya sa flood control projects ng gobyerno.
Noong Abril 16, 2026, ibinalita ni President Ferdinand Marcos Jr., sa pamamagitan ng kanyang opisyal na Facebook page, na nahuli na si Co sa Prague, Czech Republic.
Anunsiyo ng Pangulo: "He is now detained in Prague after crossing into the Czech Republic without proper documentation and is currently in the custody of Czech authorities.”
Sa videotaped message na kanyang ibinahagi noong Abril 20, nagbigay ng update si Marcos tungkol kay Co:
Aniya: “Nananatili siya sa kustodiya ng Czech Republic at isinasagawa natin ang lahat ng mga kinakailangang hakbang para sa kanyang pagbalik dito sa Pilipinas.
“Inutusan ko ang Department of Justice [DO], kasama ang Department of Foreign Affairs, na pangunahan ang pakikipag-ugnayan sa mga awtoridad ng Czech Republic upang matiyak na maayos at naayon sa proseso ang lahat ng kinakailangan.
"We will bring Zaldy Co home and we will do so in accordance with the law. He will answer to the Filipino people.”
Read: President Ferdinand Marcos Jr.: “Nahuli na si Zaldy Co.”
DOJ SHARES "DIFFICULT NEWS" ABOUT ZALDY CO
Noong Abril 23, lumipad sa Czech Republic si DOJ Secretary Fredderick Vida para sa misyon niyang ibalik sa Pilipinas si Co.
Pero nabigo siya at ang kanyang mga kasama sa kanilang misyon.
Noong Abril 27, humarap si Vida sa mga miyembro ng media sa Philippine Embassy sa Prague para ihatid ang malungkot na balita.
Wala na si Co sa Czech Republic.
Pahayag ni Vida: “I have to share difficult news. Czech authorities had informed us that Mr. Zaldy Co is no longer in their custody.
"From the moment we received the information on his whereabouts, the Philippine government moved as quickly as we could.
“We coordinated with international authorities and the President dispatched this mission to Prague, but we are working across sovereign borders.
“Every country has each own laws, processes and timelines and we cannot compel a foreign government to act outside its legal frameworks.
“What we can do is work within those frameworks as aggressively as the law allows.”
Ibinahagi rin ni Vida na nakipagpulong siya sa counterparts niya sa Czech Republic nitong Lunes ng hapon sa Prague upang subukang makakuha ng impormasyon tungkol kay Co.
"Disappointed" ang DOJ secretary sa kinahinatnan ng kanilang meeting na tumagal ng halos isang oras.
Saad niya: “I am disappointed by the lack of knowledge.
"They expressed that they understand the gravity of the case and the Filipino public.
"I am confused about the legal parameters from which this is coming."
Dagdag ni Vidal: “The sources are taking positions, and I try to pry without being arrogant.
"After they confirmed that Co is not in the territory of the Czech Republic anymore, I asked, and they said they could not confirm."
Sinabi ni Vida na hindi sila babalik ng Pilipinas na "empty-handed."
Tiniyak din niyang nasa Schengen area pa rin o border-free zone sa Europe si Co.
Read: Meralco, ipinaliwanag ang mga singil sa electricity bill