Isang sorpresa ang inihandog kina Rabin Angeles at Angela Muji ng kanilang mga tagahanga sa ginanap na media conference ng kanilang anthology series noong Miyerkules, Abril 29, 2025.
Nagalak sina Rabin at Angela nang bumulaga sa kanila ang trunk surprise sa sasakyan na nakaparada sa harap ng Viva Café sa Araneta City, Cubao, Quezon City, ang pinagdausan ng presscon para sa RabGel anthology series.
Mga lobo, bulaklak, cakes, at pagbati para sa anthology series project nila ang laman ng car trunk surprise na ginastusan ng kanilang mga tagahanga kaya lubos ang pasasalamat nina Rabin at Angela.
Read: Aljon Mendoza parts ways with Star Magic after seven years
RABGEL SERIES ON VIVA ONE
May apat na kabanata ang RabGel series, ang Ang Rider Kong Hoodlum, Same Day Error, My CEO Thinks I’m a Robot, at Us, Maybe.
Dalawa sa apat na episodes ang pinagbidahan nina Rabin at Angela, ang Ang Rider Kong Hoodlum at Us, Maybe.
Si Jerald Napoles ang co-star ni Rabin sa Same Day Error, at si Carlos Aquino ang leading man ni Angela sa My CEO Thinks I’m a Robot.
Mapapanood ang RabGel series sa Viva One simula sa Mayo 15, 2026.
Saad ni Angela: “Sa four episodes po, there are two na RabGen and the rest of the episodes is solo po naming dalawa.
“Siyempre super na-excite po kami because after the Werewolf Boy movie, meron po kaming new series, which is itong anthology.
"And I think it’s perfect po para meron po tayong project before yung second season na Dating Alys Perez.
Ang mga natutunan naman ni Rabin mula sa taping ng anthology series nila ni Angela ang karanasan na kanyang pinahahalagahan.
Lahad niya: “Nung ibinigay po sa amin itong anthology na ito, sobrang saya ko po.
“Apat na episodes po ito na iba’t iba ang genre. Mata-try namin ang iba’t ibang genre.
"So, matututo po kami kasi may mga nakasama kami na mga beteranong aktor na tinuruan po talaga kami.
“First time po namin ni Angela na mag-action sa Ang Rider Kong Hoodlum, ang first episode sa anthology,”
Ikinumpara ni Rabin kay Senator Robin Padilla ang karakter na ginampanan niya sa episode.
Si Robin ang bida sa 1991 action-romance film na Ang Utol Kong Hoodlum.
“Parang Robin Padilla po ang peg. Sana po makatrabaho ko si Kuya Robin,” ang asam ni Rabin.
Read: WHAT PEP KNOWS: Bea Alonzo and Vincent Co's wedding date