Former broadcaster Jay Sonza arrested over cyber libel case

Inaresto ng mga tauhan ng National Bureau of Investigation (NBI) ang dating broadcaster na si Jay Sonza sa Quezon City ngayong Huwebes, Abril 30, 2026, kaugnay ng kasong cyber libel.

Ayon sa ulat, ang warrant of arrest laban kay Sonza ay inilabas ng Branch 18 ng Pasay City Regional Trial Court.

Ang kaso ay may kinalaman sa pagpapakalat umano niya ng maling impormasyon tungkol sa kalagayan ng kalusugan ni Pangulong Ferdinand Marcos Jr..

Kilala si Sonza bilang isa sa mga kritiko ni Marcos Jr. at ng administrasyon nito.

Read: Zaldy Co wala na sa kustodiya ng Czech Republic; patuloy na tinutugis

NOT BAILABLE

Pinirmahan ni Presiding Judge Nieves Tan ang warrant kaugnay sa kaso ni Sonza na Unlawful Use of Means of Publication and Unlawful Utterances ( RPC Art.154) as Amended by Republic Act 10591, In Relation To Section 6 of Republic Act 10175 Othewise Known as The Cybercrime Prevention Act of 2012.

Isang mahalagang detalye sa warrant: hindi maaaring magpiyansa si Sonza.

Malinaw na nakasaad dito: “The bail for the release of the accused in this case is fixed at NOT BAILABLE.”

Ibig sabihin, mananatili sa kustodiya si Sonza habang dinidinig ang kaso laban sa kanya.

Samantala, agad namang naglabas ng pahayag ang kanyang abogado na si Mark Tolentino.

Sa pamamagitan ng kanyang Facebook page, kinumpirma ni Tolentino ang pag-aresto sa kanyang kliyente at ipinaalam ito sa publiko.