May mga naintriga sa rebelasyon ni Miss Universe Philippines 2026 Bea Millan-Windorski tungkol kay Ralph de Leon.
Sa panayam ni Bea sa Fast Talk with Boy Abunda nitong Miyerkules, Mayo 6, 2026, isa sa mga pinag-usapan ay ang naging problema sa microphone na ipinagamit kay Ralph sa gabi ng koronasyon ng Miss Universe Philippines 2026 noong Mayo 1.
Tinanong ni Boy Abunda kay Bea kung alam nito ang nangyari.
Sagot ng beauty queen: “Yeah, actually while that was all happening, us on stage were kind of giggling because it’s a bit unfortunate, four times in a row the microphone doesn’t work.
"But we also saw some reaction from Miss Universe Philippines Organization as well.”
Komento ni Bea, “You were giggling because Ralph was cute?"
Paglilinaw ng newly crowned Miss Universe Philippines: “Hindi talaga kasi may dyowa ako.
"Pero we were laughing because Ralph had previously gone on a date with one of the co-delegates that I am very close with.”
Naging palaisipan sa marami ang mga salitang binitiwan ni Bea dahil kahit hindi pa umaamin sina Ralph at AZ Martinez, matagal nang balitang nagkakamabutihan ang dalawa.
Nagkasama at nagkakilala nang sumali sila noong nakaraang taon sa Pinoy Big Brother: Celebrity Collab Edition.
Kahit walang malisya o bahid ng pang-iintriga ang kuwento ni Bea, may mga nagkaroon ng interes malaman ang pangalan ng kandidata ng Miss Universe Philippines 2026 na naka-date ni Ralph.
At kung nangyari ito noong hindi pa napapabalitang may relasyon sila ni AZ.
Read: NETIZENS REACT: Hard-to-miss moments at Miss Universe Philippines 2026
BEA ANSWERS RESIDENCY ISSUE
Nagpaliwanag din si Bea tungkol sa kinukuwestiyong Philippine residency nito.
Ayon sa kanya, Pilipino siya mula nang isilang.
“One of the first things my mom did when I was born was register my birth with the Philippine embassy in the U.S.
"And under R.A. 9225, if you are a Filipino citizen born to a Filipino mother or father, as long as you register your birth, your citizenship is reacquired.
"And once I moved here to the Philippines, that’s when I started the very long process of obtaining my passport.
“I’ve always had my dual citizenship documentation but you need that passport to open a bank account, to access, like your National ID
"So, that’s the kuwento there,” saad ni Bea.
Read: Frontrunner Bea Windorski crowned Miss Universe Philippines 2026