Magbubukas ng VMX Club sa Newport World Resorts, Pasay City, sa Agosto 2026.
Ito ang inanunsiyo ni Viva Entertainment chairman Vic del Rosario Jr. sa media conference at contract signing ng pagsasanib-puwersa ng Viva at ng ALV Talent Circuit na naganap sa Viva Café, Cubao, Quezon City, nitong Biyernes, Mayo 8, 2026.
Nabanggit ni Boss Vic ang pagkakaroon ng VMX Club dahil napag-usapan sa ginanap na press conference ang posibilidad ng paggawa ng pelikula sa VMX ng labing-isang beauty queens ng ALV Talent Circuit na pumirma ng kontrata sa Viva.
Ito ay sina Tracy Maureen Perez, Zia Arboleda, Nikki Buenafe, Meridith Bobadilla, Bea Ocampo, MJ Suarez, CJ Torcido, Erika Davis, Keylyn Trajano, Alyssa Geronimo, at Margarette Briton.
“It depends on the artist. Kung gusto nilang mag-transition, na sumubok. We won’t force them, but if they’re open to it,“ sagot ni Viva Entertainment President and CEO Vincent del Rosario.
“I think it would be an exciting opportunity for them kasi, remember, VMX is a global platform, not only catering to Filipinos but to mainstream market ng different territories.
“Maganda rin na agad-agad, may global exposure yung talents, at na-prove namin yon.
"Marami na tayong dumaan sa Vivamax na parang hindi naman household name pero kilala na sa iba’t ibang parts ng mundo.”
Read: Matet de Leon admits "misunderstanding" with brother Ian amid inheritance issue
VMX CLUB OPENING
Kasunod nito ang balita ni Boss Vic tungkol sa pagbubukas ng VMX Club, na maikukumpara raw sa Girard Peter show na popular noong dekada ’70 at ’80.
Sina Maria Isabel Lopez, Tetchie Agbayani, at Carmi Martin ang ilan sa mga aktres na dating Girard Peter models bago sila nabigyan ng oportunidad sa showbiz.
Saad ni Boss Vic: “Puwede na nating i-announce na we will be opening a VMX club in Newport soon. It’s 1,200-square meters na club.
“Remember the Girard Peter Show before? Magkakaroon tayo ng ganoon.
"We will open in August, in partnership with Megaworld.”
VIVA ENTERTAINMENT-ALV TALENT CIRCUIT COLLAB
Nagsalita rin si Boss Vic tungkol sa pagsasanib-puwersa ng kanyang kompanya at ng ALV Talent Circuit ng talent manager at Miss World Philippines National Director Arnold Vegafria.
“Si Arnold, matagal ko nang kaibigan. Sixteen years old pa lang siya, nagpo-promote na kami ng concert.
“Matagal na kaming nagsasama, may mga artista kami na co-managed.
"So, so sabi ko sa kanya, 'Bakit hindi tayo magsanib-puwersa para hindi mo na ikinakalat-kalat sa iba-iba?’
“We need more artists. Meron kaming Viva One, meron tayong mga vertical and we’re doing more movies now.
"Sa recording, nung in-audition ko sila, ang gagaling kumanta. Magagaling mag-host.
“Sabi ko, gawin na nating wholesale, huwag nang tingi-tingi. So, ito na ang simula ng aming pagsasama.
"Thank you, Arnold, for the trust and, hopefully, it will become the trend in the industry na yung dating hindi magkasama, e, nagsasanib.”
Ang contract signing at media conference ay dinaluhan din ng anak ni Boss Vic na si Viva Artists Agency President Veronique del Rosario-Corpus.