Eksaktong isang taon na ang nakalilipas mula nang idaos ang local elections noong Mayo 12, 2025.
Kahapon, Mayo 11, 2026, inaprubahan ng Kongreso ang articles of impeachment laban kay Vice-President Sara Duterte dahil sa mga paratang na korapsyon at pagtataksil sa tiwala ng bayan.
257 ang bilang ng mga miyembro ng Kongreso ang sumang-ayon para ma-impeach ang bise-presidente.
Dalawampu’t lima (25) ang bumoto ng “No” dahil hindi sila pabor mapatalsik sa puwesto si Duterte.
Siyam ang nag-abstain, at dalawampu’t anim (26) ang hindi lumahok sa idinaos na botohan.
Read: Pro-Duterte senators oust Tito Sotto as senate president; Bato surfaces for the coup
HOW CELEBRITY LAWMAKERS VOTED
Sa mga showbiz personality na miyembro ng 20th Congress, bumoto ng “Yes” para sa impeachment ni Duterte sina Richard Gomez (Leyte Fourth District), Arjo Atayde (Quezon City First District), Lani Mercado (Cavite Second District), at ang mga anak nitong sina Jolo Revilla (Cavite First District) at Bryan Revilla (Agimat Party-list).
“Yes“ din ang boto ng former PBA player at Quezon City Third District Rep. Franz Pumaren; Batangas Sixth District Rep. Ryan Recto, anak ni Star for All Seasons at Batangas Governor Vilma Santos-Recto; Tingog Party-list Rep. at 1996 Bb. Pilipinas-International Yedda Marie Mendoza-Romualdez, asawa ni former House Speaker Martin Romualdez; Pasig City Rep. Roman Romulo, asawa ni former Willing Willie co-host Shalani Soledad.
Kasama ring bumot ng "Yes" sina FPJ Panday Bayanihan Party-list Rep. Brian Poe, anak ni dating Senador Grace Poe at apo ng mga pumanaw na movie icons na sina Fernando Poe Jr. at Susan Roces; Negros Occidental First District Rep. Julio Ledesma IV, asawa ni Assunta de Rossi; Zambales First District Rep. Jefferson "Jay" Khonghun, ex-boyfriend ni Aiko Melendez; Quezon City Fifth District Rep. PM Vargas, kapatid ni Alfred Vargas; at Pangasinan Third District Representative at former MTRCB Chair Rachel Arenas.
“No” naman ang boto ni former TV host, MTRCB board member at Cebu First District Rep. Rachel “Cutie” del Mar; Cavite Fourth District Rep. Kiko Barzaga; at Batangas First District Rep. Leandro Leviste, anak ni dating news anchor at Senator Loren Legarda.
Gaya ng inaasahan, "No" rin ang boto ng kapatid ni VP Sara Duterte na si Davao First District Rep. Paolo Duterte, pamangkin na si Davao Second District Rep. Omar Duterte, at pinsan na si Puwersa ng Pilipinong Pandagat (PPP) Party-list Rep. Harold James Duterte.
Hindi naman lumahok sa ginanap na botohan para sa impeachment ni Duterte sina Pampanga 2nd District Rep. at ex-Philippine President Gloria Macapagal-Arroyo at Ilocos Sur 1st District Rep. Ronald Singson, ang dating boyfriend ni Lovi Poe.
Read: Bato and Bong Go named "co-perpetrators" in drug-war killings