Deactivated ang mga social media account ng former GMA Integrated News reporter na si Nico Waje mula nang sampahan siya ni Athena Imperial ng reklamo sa Prosecutor’s Office ng Quezon City.
Acts of lasciviousness under Article 336 of the Revised Penal Code at gender-based sexual harassment under Republic Act No.11313 ang mga reklamo na inihain ni Athena laban kay Waje noong Miyerkules, Mayo 13,2026.
Bukod sa deactivation ng mga social media account, hindi sinasagot ni Waje ang mga text message at tawag sa cellphone ng mga mamamahayag na gustong makuha ang panig niya tungkol sa demanda ni Imperial.
Ate ang tawag ni Waje kay Imperial noong magkasama pa sila sa GMA Integrated News.
Nag-viral si Waje sa social media noong Hulyo 2025 dahil sa mga ulat niya tungkol sa mga bagyo na nanalanta sa Pilipinas kaya naging popular siya at dumami ang bilang ng kanyang social media followers.
Noong Disyembre 2025, nalaman ng publiko na hindi na konektado si Waje sa GMA News dahil "former GMA Integrated News reporter" ang pakilala sa kanya nang maimbitahan siyang guest speaker sa Campus Journalism Summit na ginanap sa Cabuyao, Laguna.
Read: Athena Imperial sues Nico Waje for acts of lasciviousness
NICO WAJE'S STINT WITH CUSTOMS CHECK PILIPINAS
Noong April 12, inanunsyo ng Customs Check Pilipinas na si Waje ang host ng nabanggit na programa na official news and public service platform ng Philippine Bureau of Customs.
Dalawang araw bago napanood ang Customs Check Pilipinas, nag-post si Waje sa Facebook page nito ng larawan niya na kuha sa set ng kanyang programa at may caption na "Mahal ka palagi ni Lord, Joven."
Nico Joven Waje ang kumpletong pangalan ni Waje.
Makalipas ang ilang oras, naglabas si Imperial ng mga cryptic post na, "Nakita ni Lord ‘yung ginawa mo. Sa akin. Sa amin."
Isa pang post ni Imperial, "You shall not bear false witness against your neighbor. Seven people heard me scream. One saw what you did. You just laughed."
Kinumpirma ni Imperial na para kay Waje ang kanyang mga cryptic post.
Read: Former GMA employee files separate complaints vs. Nico Waje
nico waje new show
Hindi nagtagal si Waje bilang host ng Customs Check Pilipinas dahil ipinalit sa kanya si Carlo Lorenzo.
Noong Abril 26, naglabas ng pahayag ang pamunuan ng programa tungkol sa huling paglabas ni Waje sa programa nito.
"Customs Check Pilipinas confirms that Mr. Nico Waje will make his final appearance as host of the program in Episode 2.
"We would like to thank Nico for being part of the program’s early journey. His energy, professionalism, and commitment helped bring Customs Check PH to life and guided the show through its first important steps.
"While his time with us was brief, his contribution is deeply appreciated and will always be part of the foundation on which the program continues to grow."
Pinahiwatig din ng Customs Check Pilipinas na lilipat si Waje sa isang news program sa telebisyon.
"Nico will now be moving on to an exciting new opportunity as one of the main anchors of a national news platform.
"This next chapter will allow him to reach an even wider audience and continue doing what he does best: informing, engaging, and serving the public.
"We wish Nico every success as he takes this next step in his career and thank him sincerely for being part of the Customs Check PH family."
Read: Shirley Kuan, Alan German dragged into Bea-Vincent wedding issue
NO WORD YET FROM NICO WAJE
Sa pagsisimula ni Waje sa bagong yugto ng kanyang karera ay nahaharap naman siya sa demanda ni Imperial.
At sorpresa sa lahat ang paglantad sa Prosecutor’s Office ng Quezon City ng isang babae na dating empleyado ng GMA News.
Naghain ito ng hiwalay na reklamong sexual harassment laban kay Waje. Nangyari umano ang insidente noong 2019.
Sa ngayon ay wala pang opisyal na pahayag si Waje. Posibleng wala pa siyang natatanggap na kopya ng mga reklamo sa kanya.
Maselan ang isyung kinahaharap niya at tinutukan ng iba kung may epekto ito sa plano na gawin siyang main anchor ng isang national news platform.