Magkakasunod na nakarating sa Bangkok, Thailand, ang lima sa mga Philippine bets na kabilang sa 58 candidates sa inaugural edition ng Miss Grand International All Stars na magaganap mula Mayo 16 hanggang Mayo 30, 2026.
Nauna nang bumiyahe sa Bangkok sina Keylyn Trajano, Alexia Núñez, at Gazini Ganados, samantalang dumating sina Imelda Schweighart at Fuschia Anne Ravena nitong Linggo, Mayo 17.
Nagpasiklab agad sina Keylyn at Gazini sa kanilang mga departure outfits sa Ninoy Aquino International Airport at sa kanilang arrival clothes nang magrehistro sila sa Grand Richmond Hotel, Nonthaburi, Thailand.
Sinabi ni Keylyn sa mensaheng ipinadala nito sa Cabinet Files na masaya siya sa mga kasuotang ginawa ng Daniel Manila Createur para sa kanya, kabilang ang Layag at Sirikit gowns kaya tinawag niyang ThaiNoy (pinagsama na Thai at Pinoy) ang sarili.
Pagbibigay-pugay sa pumanaw na reyna ng Thailand na si Queen Sirikit ang Sirikit gown ni Keylyn at pagkilala sa mga sakripisyo at kasipagan ng overseas Filipino workers ang Layag.
Agaw-eksena rin ang Jollibee-inspired dress na ginamit ni Keylyn sa ikalawang araw niya sa Thailand noong Linggo.
View this post on Instagram
Pinasalamatan naman ni Gazini ang dandy-design.co para sa kanyang pasabog na departure outfit sa NAIA at si Patrick Isorena para sa arrival clothes niya na tumanggap ng mga papuri.
Si Alexia ang designer ng kanyang Filipiniana arrival dress na tinernuhan niya ng salakot.
"This look is inspired by the soul of the Philippines-blending tradition, craftsmanship and modern elegance into one story,” ang pagsasalarawan ni Alexia.
Imelda Schweighart
Hanggang sa Thailand, hindi nawawalan ng isyu si Imelda dahil sa naglaho umano ang kanyang maleta na naglalaman ng mga "curated outfits of the day” niya.
Sa pamamagitan ng kanyang social-media post, humingi si Imelda ng tulong para mahanap ang maleta niya na nawawala.
“We arrived in Bangkok from Manila via a direct flight at 8:00 AM today, but we’ve hit a massive hurdle. My luggage is currently missing, and it contains all of my curated OOTDs for the entire trip.
"My team of 6 waited at the airport for almost 6 hours, and the only update we have so far is that the baggage is still 'in search.'
“Our major activities are starting very soon, and those outfits are absolutely essential for the events ahead. If anyone has a direct contact, connection, or knows anyone from Philippine Airlines (PAL) who can help us track down and retrieve our luggage immediately, please reach out to me or my team via DM right away.
"My team is already working incredibly hard behind the scenes to assemble an entirely new backup wardrobe for the rest of the events just in case, but we need that luggage.
“If you can help or support me in any way on this journey, please reach out. Thank you so much everyone,” ang apela ni Imelda.
Fuschia Anne Ravena
Sa limang Pinay candidates, si Fuschia ang pinakahuling nagbahagi ng kanyang arrival outfit: gold dress na likha ng fashion designer na si Cary Santiago.
View this post on Instagram
Kakulay ng logo ng MGI All Stars ang damit ni Fuschia na tiniyak na pag-uusapan siya dahil sa ipinagawa at ginastusang futuristic sci -fi arrival video niya sa Thailand.