Hindi nagwakas bilang analyst sa Miss World Thailand 2026 noong Mayo 10, 2026 ang pagkilala kay Sinon Loresca sa Thailand bilang "King of Catwalk."
Naglabas ng ulat tungkol sa kanya ang Khaosod English, ang English language news website ng Khaosod newspaper.
Dito, hindi na "King of Catwalk" ang tawag sa kanya kundi binansagan na siya bilang "Queen of Silom."
Ang Silom ang pinakamasiglang distrito sa Bangkok dahil ito ang financial hub sa umaga at entertainment area sa gabi.
Tinawag si Sinon na "Queen of Silom" dahil nakuha niya ang atensiyon ng marami nang rumampa siya sa Silom District nang ipagdiwang ang Bagong Taon ng Thailand, ang Songkran Festival, mula Abril 13 hanggang Abril 15, 2026.
Read: Sinon Loresca appears as analyst at Miss World Thailand 2026
SINON LORESCA VISITS BUDDHIST TEMPLE IN BANGKOK
Muling pinag-usapan si Sinon noong nakaraang linggo nang puntahan niya ang Wat Arun, isa sa mga sikat at dinarayong Buddhist temple sa Bangkok.
Tumanggap siya ng mga papuri dahil sa pagyakap at paggalang niya sa kultura ng Thailand kaya kinilala at binigyan siya ng pagpapahalaga ng Khaosod English.
“Queen of Silom charms fans in Chud Thai” ang headline ng artikulo.
Nakasaad naman sa subhead: “From Songkran icon to Thai culture slayer, Queen of Silom Sinon Loresca just dropped stunning photos in traditional Thai dress at Wat Arun — and the internet is obsessed.”
Bahagi ng nilalaman ng artikulo: “The social media star, who has millions of followers online, recently posted photos of himself wearing traditional Thai dress during a visit to Wat Arun.
“The photos quickly drew praise from Thai netizens, with many complimenting his styling and appreciation of Thai culture.
“Sinon became widely known among Thai fans after appearing at the Songkran celebrations on Silom Road in eye-catching outfits and energetic fashion, earning him the nickname 'Queen of Silom' on social media.”
Pinuri at hinangaan din ng mga Thai ang pagbibigay-pugay ni Sinon sa shrine para kay Queen Surikit, ang reyna ng Thailand na pumanaw noong Oktubre 24, 2025.
Narito ang ilang komento ng netizens:
“Omg you did a perfect Wai. Thai has a specific way to pay respect to royal family and you did perfectly like a Thai person."
“You will always be remembered by the Thai people. You were the most lovely person in the world. Thank you for loving our country, we love you too."
“Thank you for showing respect to Her Majesty Queen Sirikit, the Queen Mother of Thailand."
"I was deeply moved when I saw you bow before her royal portrait. It truly brought tears to my eyes."
Naranasan ni Sinon maging bahagi ng Philippine entertainment industry sa sandaling panahon nang maging co-host siya ng Eat Bulaga! noong 2015 at nang gampanan niya ang karakter na Maxi sa Impostora, ang afternoon drama series ng GMA-7 noong 2017.
Matagal nang hindi napapanood si Sinon sa telebisyon, pero nananatili siyang aktibo sa social media kaya nalaman ng publiko ang kanyang pamamalagi sa Bangkok, Thailand.
Read: Thai superstars Nadech Kugimiya and Yaya Sperbund hold second wedding in Norway