Sa first quarter ng 2027 nakatakdang ganapin ang kasal ng aktres na si Cristine Reyes sa kanyang non-showbiz fiancé na si Atty. Gio Tiongson.
“May date na. Baka next year po, first quarter, if not this year,” kumpirmasyon ni Cristine sa panayam niya sa Fast Talk With Boy Abunda ngayong Martes, Mayo 26,2026.
Binanggit din ng aktres na may mga nagpiprisinta na para maging mga ninong at ninang nila ni Gio sa kasal.
Nang tingnan ni Boy ang engagement ring ni Cristine, “classic lang,” ang pagsasalarawan ni Cristine sa singsing na ibinigay sa kanya ni Gio.
Saad pa niya: “I am very happy! Super, inside and out.
"Siguro ngayon, mas kalmado [ako]. Mas malinaw yung mga bagay-bagay.”
CRISTINE NARRATES THE DAY ATTY. GIO PROPOSED TO HER
Sinundan ito ni Cristine ng kuwento tungkol sa araw na inalok siya ni Gio ng kasal.
Nangyari raw ito sa condominium unit sa Makati City na tinitirhan nila ng kanyang anak na si Amarah, 11.
Si Amarah ay anak ni Cristine sa dati niyang asawa na si Ali Khatibi.
Kinutuban na raw si Cristine na may kakaibang magaganap noong araw na yun.
Lahad niya: “Wala po akong malay talaga. One Sunday morning, the usual, pupunta po kami ng church.
"Umakyat si Gio sa taas, sa condo ko, kasi we live in the same building. Nasa baba siya, nasa taas ako.
“May dala-dala siyang paper bag. Parang nakutuban ako kasi knowing Gio, saka alam din niya ako, we don’t want something super spectacle. Super grand.
“So when I saw it, parang seryoso. Ay, naramdaman ko na! 'Alam ko na, ito na yon.'
“So I immediately called Amarah. Parang instinct ko lang.
"Parang, siyempre, I wanna have a recording or documentation of this special moment na lahat ng babae, pinapangarap na merong someone na mangangako na makasama ka habambuhay.
“Sabi ko talaga, instinctively, ‘Amarah, record this.’
“Malakas ang kutob ko na yun na yon. Parang sinasabi pa ni Amarah, ‘What’s happening? What’s this?’"
Pagpapatuloy ni Cristine: “Umupo na ako tapos seryoso lang si Gio. Tapos bigla siyang lumuhod.
"He popped the question, ‘Will you marry me?’
“Hindi pa agad ako nakasagot. Parang overwhelming yung feeling na, finally, bumuhos agad yung emosyon. Umiyak agad, nagyakapan kami.
"Hindi pa ako nakasalita ng yes, pero based on my reaction, it’s 'yes.'
"He had to ask again. Sabi ko, 'Yes!'”
Read: Cristine Reyes now engaged to Gio Tingson
CRISTINE-GIO LOVE STORY
Grade school student pa lang si Cristine nang una niyang makilala si Gio.
Ayon sa kanya, lumipas muna ang dalawampu’t anim na taon bago sila nagkaroon ng relasyon.
Kuwento niya: “We’ve met in a Ateneo grade school fair, in a marriage booth.
"Kasi I study in an all-girl school [St. Bridget’s School]. So, lahat ng mga all-girl school, we get invited to Ateneo to participate sa mga theater play, prom, school fair.
“I was a 6th grader, Gio was 7th grade.
"And then, I got pulled sa marriage booth. But hindi siya yung partner, siya yung pari sa marriage booth. So, towering height siya.
“Nahihiya ako. So, after nung kasal-kasalan, umalis agad ako.
"E, yun ang first encounter ko with boys. Umalis talaga ako, tumakas ako.
"He told me that he asked for my number. Ang ibinigay kong number, my number, but the name, I didn’t give my name.
"Ang ibinigay kong name sa kanya was Agent Orange because I was wearing orange at the time.”
Naging phone pals daw noon sina Cristine at Gio dahil tumatagal ng apat na oras ang kanilang pag-uusap, pero walang pahiwatig ng panliligaw mula sa huli.
Saad pa ng aktres: “Nung grade school, nung bata pa kami, lagi kaming telebabad, mga four hours, five hours telebabad.
"Lagi lang telebabad but he never really asked me kung gusto ba niya akong maging girlfriend.
"Never niya akong tinanong. Ako naman, e, di sige magkaibigan tayo.
“We were always connected kasi same group of friends. I know his barkada. He knows my barkada.
“May mutual silent attraction kami. May MU, everybody knows it. My friends, friends niya.
"Alam din naman na parang may tension sa aming dalawa, pero we don’t really engage kasi may individual life kami noon.
“My sarili siyang partner noon, ako din nagkakaroon.
"And then one time, he’s single, I was single also. He asked if we could talk.
"We’re always seeing each other right after campaigns. He was in a different party, I was in a different party.
“It’s funny kasi magkaibang parties, pero we would meet after.
"Siguro nag-start kami na together lang na magkasama na kaming dalawa lang, mga few months after the election [May 2025]. Tinanong na niya ako.
"Finally, after 26 years, tinanong na niya ako [para maging girlfriend]. Nasa bahay lang, parang proposal namin.
"Hindi rin kasi ako sanay at siya na masyadong public. Mas gusto naming intimate lang."
Read: Cristine Reyes reveals she rejected current BF in grade school