Introducing sa Bad Boy 3 si Sophia Pla,19, ang bunsong anak ni Nadia Montenegro, 54.
Ang pelikulang pinagbibidahan ni Senator Robin Padilla ang kauna-unahang acting assignment niya.
Si Sophia ang anak ni Nadia kay Baron Geisler. Pero Sophia Pla ang screen name na ginamit niya, hindi Asistio o Geisler. Pla ang maiden family name ng kanyang ina.
Read: Nadia Montenegro's daughter Sophia Asistio celebrates debut
Si Robin, na malapit na kaibigan ni Nadia, ang may idea na isama si Sophia sa cast ng Bad Boy 3.
"I am very excited. Game lang as long as okay kay Mommy. Hindi ako nailang. More like I want more,” ang sabi ni Sophia tungkol sa acting debut niya.
Nang tanungin tungkol sa reaksyon ni Baron sa pagpasok niya sa showbiz, “Wala naman siyang alam about this kasi 2023 pa ito."
Pinatotohanan ito ng ina niyang si Nadia, na nagsabing "hindi pa in communication" sina Sophia at Baron nang gawin ng anak nila ang proyekto.
Hulyo 2024 nang aminin ni Nadia sa publiko na si Baron ang biological father ni Sophia.
Read: Muro-Ami star Rebecca Lusterio builds new life in Denmark
SOPHIA PLA ON ACTING EXPERIENCE
Pamilyar kay Sofia ang mga katrabaho niya sa pelikula tulad nina Joko Diaz at Dennis Padilla.
Kasama rin sa cast si Nadia kaya hindi raw siya nahirapang mag-adjust.
Pagpapatuloy ni Sophia, "Very memorable talaga siya, sina Tito Joko, Tito Dennis.
"Sisters ko nandoon, so parang normal day lang siya. May camera lang."
Gumanap siya bilang anak ng mga karakter nina Nadia at Dennis sa Bad Boy 3.
Kuwento naman ni Nadia, pinayagan niyang mag-artista ang bunsong anak, pero may kasunduan silang tatapusin nito ang pag-aaral nito.
Incoming second year college student si Sophia sa isang unibersidad sa Pasig City ngayong pasukan.
"Gusto talaga niya. Pero dahil sa experience ko rin sa mga ate niya, kumbaga, parang sabi ko, iba pa rin na may college degree ka," ani Nadia.
Watch: Nadia Montenegro to Sophia: "I know so many things has happened." | PEP Hot Story
NADIA MONTENEGRO'S ADVICE TO DAUGHTER
Hindi nagkulang ng mga paalaala ang beteranang aktres kay Sophia pagdating sa disiplina at kung paano makisalamuha sa mga katrabaho.
Ang ilang mga paalala niya sa anak: "Whenever you come to the set always introduce yourself first to everyone, to the directors, to the crew, staff and be kind.
"Be yourself kasi in this industry, mahirap magpaka-perfect na hindi ka naman perfect, kahit anong mangyari.
"Lalo na sa generation ngayon at sa culture, lalo na sa social media, ang judgment,ibang klase.
"So sabi ko para hindi ka mahirapan, just be yourself. Saka confidence and passion. If you really want to do something, go for it.”