Ang Green Archers ng De La Salle University (DLSU) at ang Blue Eagles ng Ateneo de Manila University (ADMU) ang mga basketball team na madalas itinuturing na mahigpit na magkaribal sa University Athletic Association of the Philippines (UAAP).
Ngunit sa pagpanaw nina Rene Clert Baterbonia, 19, at Divine Adili, 21, ipinarating ng Green Archers team ang pakikiramay sa Blue Eagles sa pamamagitan ng isang opisyal na pahayag.
Nakasaad dito: “The De La Salle University Green Archer Men’s Basketball Team extends its deepest condolences and prayers to the Ateneo de Manila University community, the Blue Eagles, and most especially the loved ones of Rene Clert Baterbonia and Divine Adili.
“Among student-athletes, there exists a profound bond of camaraderie. We feel this deeply at this time.
"Together with the UAAP and the rest of our sporting community, we mourn the tragic loss of Rene Clert and Divine.
"May God bring comfort and strength to the Baterbonia and Adili families.
"May the souls of Rene Clert and Divine, through the mercy of God, rest in peace."
Read: PNP Aurora rules out foul play in deaths of two Ateneo players
FORMER PBA PLAYERS REACT TO BATERBONIA AND ADILI DEATH
Sina Baterbonia at Adili ang mga basketball player recruit ng Blue Eagles na binawian ng buhay matapos malunod sa karagatan ng Dipaculao, Aurora, habang nagaganap ang kanilang team-building activity noong Lunes, Hunyo 8, 2026.
Kontrobersiyal at malaking balita ang pagkamatay nina Baterbonia at Adili dahil sa paraan ng “basketball training” sa kanila kaya may mga sinisisi sa pagpanaw nila.
Si former PBA player at San Juan City Councilor Paul Artadi ang isa sa mga nanlumo sa sinapit nina Baterbonia at Adili.
Isang masusing imbestigasyon sa mga tunay na nangyari ang panawagan niya.
Idinaan ni Artadi sa Facebook posts ang paghahanap ng kasagutan sa kanyang mga katanungan:
Si Artadi ay naglaro para sa University of the East Red Warriors noong college at sa mga koponang Purefood Tender Juicy Giants at Barangay Ginebra sa PBA.
Ibinahagi rin ni Artadi ang pakikipag-usap ni former PBA player Peter June Simon kay Baterbonia nang magkita sila sa Davao airport.
Parehong papunta noon sa Maynila ang dalawa dahil lilipad si Simon sa Dubai, samantalang mag-uumpisa na ang training ni Baterbonia para sa Blue Eagles.
“God bless dito sa pagpunta mo sa Maynila. Wag ka sumabay sa buhay sa Manila,” mga payo raw ni Simon kay Baterbonia, habang nag-uusap sila sa airport ilang araw lamang bago maganap ang trahedya.
Ikinalungkot daw nang husto ni Simon ang pagpanaw ng 19-year-old basketball player.
Naglaro para sa koponang Magnolia Hotshots si Simon sa loob ng 16 taon.
Nangako naman ng tulong si Quezon City House Representative at dating PBA player at coach na si Franz Pumaren sa pamilya ng mga naulila.
Gaya ng ibang mga professional basketball player, nagdalamhati si Pumaren sa masaklap na kapalaran nina Baterbonia at Adili.
“It is heartbreaking to see two young athletes, whose lives were defined by hard work, discipline, teamwork, and the pursuit of excellence, taken far too soon.
“Their futures held so much promise, making this tragedy all the more painful for their families, friends, teammates, coaches, and everyone whose lives they touched.
“My heart goes out to their loved ones during this difficult time. We offer our deepest condolences and prayers for the eternal repose of Rene and Divine, and for the strength, peace, and healing of those they leave behind.
“As a former student athlete and UAAP coach, this loss strikes particularly close to home. Our office will extend whatever assistance may be needed by those affected in this tragic incident,” bahagi ng mensahe at pakikiramay ni Pumaren para sa naulilang pamilya ng mga student athlete.
Si Pumaren ay naglaro para sa De La Salle Green Archers noong kolehiyo at para sa San Miguel Beerman sa PBA.