Ikinatuwa ni Rabin Angeles na kasama ang trailer ng Dating Alys Perez sa listahan ng Top 5 Trending Movie Trailers sa YouTube.
Nangangahulugan itong marami ang nag-aabang sa bagong Viva One series na pinagbibidahan nila nina Angela Muji at Zeke Polina.
"Para sa akin, kung ano po ang ikinaganda ng Seducing Drake Palma, parang dumoble pa dahil mas pinaganda ang Dating Alys Perez at talagang pinag-isipan ang bawat eksena. Mas intense na rin po ang mga napanood sa trailer,” paliwanag ni Rabin.
Naniniwala siyang mainit ang pagtanggap sa trailer ng Dating Alys Perez, na sequel ng Seducing Drake Palma, dahil inaabangan ang muling pagsasama nina Drake at Alys, ang mga karakter na ginagampanan nila ni Angela.
"Excited po silang makita yung characters namin na nag-mature na. We also saw some na curious for the new set of cast; at ang masasabi ko lang po ay this will definitely be worth their anticipation."
Read: Brandon Espiritu, Jether Palomo face backlash over "halfies" remark
ZEKE POLINA REPLACES DYLAN MENOR
Si Zeke ang ipinalit kay Dylan Menor para sa karakter ni Tripp Palma sa Seducing Drake Palma.
Ayon kay Rabin, hindi nagkaroon ng “major adjustment” si Zeke.
Dagdag niya, nadiskubre niyang masaya katrabaho si Zeke at naging komportable agad ito sa kanila ni Angela nang mag-umpisa ang taping nila para sa Dating Alys Perez.
"Masaya po na may bago kaming family member sa Dating Alys Perez, at masaya po na ka-work si Zeke.
"Simpleng mga advice lang po ang sinabi ko sa kanya para maging comfortable siya like huwag siyang mahihiya.
"Nagkaroon kami ng acting workshop na part po talaga ng preparation namin bago isalang sa mga series.
"Actually, big help po na nag-workshop muna kami para ma-break ang hiya namin sa isa’t isa, lalo na po for Zeke kasi ngayon lang po kami nagkasama sa trabaho.
"Nandun na po yung unti-unting pagbi-build namin ng connection sa isa’t isa lalo pa na madalas kami na magkasama sa mga eksena," saad ni Rabin.
Hindi niya itinangging nagulat siya nang malaman hindi na si Dylan ang gaganap na Tripp sa Dating Alys Perez.
"Nabigla rin po kami, pero sobrang pasasalamat ko kay Dylan for giving his best for Seducing Drake Palma,” ani Rabin.
Mag-uumpisa sa Hunyo 12, 2026 ang streaming sa Viva One ng Dating Alys Perez.
Tumanggap ito ng malakas na palakpakan at hiyawan mula sa mga tagahanga nang ipakita ang malakas magpakilig na full trailer sa Viva One The Next Fan Takeover: The Repeat na ginanap sa New Frontier Theater noong Hunyo 6.
Read: Brands cut ties with Brandon Espiritu over his "halfies" remark