Ang pagkikita nina TV5 President and CEO Guido Zaballero at ABS-CBN Chief Operating Officer for Broadcast Cory Vidanes ang matibay na indikasyong tuluy-tuloy na ang muling pagsasanib-puwersa ng Kapatid at Kapamilya networks.
Ayon sa mapagkakatiwalaang source ng Cabinet Files, naganap sa tanggapan ng ABS-CBN ang hapunan at pag-uusap sa pagitan nina Zaballero at Vidanes noong Huwebes, Hunyo 11, 2026
Kabilang daw sa mga tinalakay ng dalawa ang malalaking plano ng TV5 at ABS-CBN sa pagpapatuloy ng kanilang partnership na pansamantalang nahinto noong Disyembre 2025.
Tulad ng unang ulat ng Cabinet Files, muling mapapanood sa TV5 ang mga programa ng ABS-CBN.
Matutunghayan na rin sa Kapamilya Channel ang mga programa ng Kapatid network.
Read: ABS-CBN, TV5 eye new collaboration after short "breakup"
ABS-CBN INFORMS ALLTV ABOUT AGREEMENT WITH TV5
Inaasahang magaganap sa darating na linggo — may mga nagsasabing baka sa Hunyo 16, kung hindi magkakaroon ng pagbabago sa mga plano — ang pormal na anunsiyo tungkol sa TV5 at ABS-CBN partnership.
Ngayong Biyernes, Hunyo 12, ipararating na rin ng ABS-CBN sa AllTV management ang kasunduan nila sa TV5.
Ang ALLTV ang naging tahanan ng mga programa ng ABS-CBN nang tapusin ng TV5 ang kanilang content agreement, noong Disyembre 2025, dahil sa financial disputes.
Ang Coco Martin's Sigabo ang unang programa ng ABS-CBN na mapapanood sa TV5 simula sa Hunyo 22, 2026.
Ang Sigabo ang action-drama-comedy series na TV comeback ni Coco Martin, na huling napanood sa FPJ's Batang Quiapo na nagwakas noong Pebrero 13, 2023.
Katambal ni Coco sa Sigabo ang kanyang real-life partner na si Julia Montes.
Inaasahan ding maraming mangyayari sa susunod na linggo na may kaugnayan sa pagpapatuloy ng kolaborasyon ng TV5 at ABS-CBN.