Opisyal na ipinakilala bilang solo actor ang Cup of Joe vocalist na si Gian Bernardino ngayong Martes, Hunyo 23, 2026.
Mainit ang pagsalubong sa kanya ng executives ng Viva Entertainment.
Ang pagpirma ni Gian ng kontrata sa Viva Artists Agency at Viva Films ang katuparan ng kanyang pangarap maging aktor.
“One of the best singer-composers, Gian from Cup of Joe, and now, ilu-launch naman natin ang kanyang acting career. So, good luck to you," sabi ni Viva Entertainment Chairman at COO Boss Vic del Rosario tungkol kay Gian.
GIAN BERNARDINO'S "FIRST LOVE"
Kabadung-kabado si Gian na humarap sa mga miyembro ng entertainment media.
Pero ipinagtapat niyang plano talaga niyang pasukin ang pag-aartista.
“Kinakabahan po ako. First time ko mag-isa," sabi ng singer at aspiring actor.
"To be completely honest, first love ko talaga ang film in its essence. Kasi nung lumalaki ako, I think it’s every child’s dream na makita ang sarili nila sa TV.
“And bilang isang anak ng OFW na lumaki sa Qatar, ang nagiging escape ko lang during those times na nag-a-adjust kami, nanonood ako ng TV.
“Meron akong pangarap noon na makasali sa Goin' Bulilit. So even before I discovered na gusto ko rin maging performer, gusto ko munang maging artista.
“It’s definitely one of my plans, entering the industry.
"But then, it feels like the perfect timing, kasi I believe we’ve achieved great lengths na in terms of music and I want to expand my artistry by entering film din.”
Tiniyak ni Gian na suportado ng kanyang mga kasamahan sa Cup of Joe ang pag-aartista niya.
Lahad niya: “Ever since, nung nag-start kami, they’ve always see me as that full-rounder performer.
“Nung pandemic pa lang, nag-try na akong sumali sa mga indie film and series.
“Nung sinabi ko sa kanila, full support naman sila, and I am really thankful for that.”
Read: Cup of Joe delivers historic concert with OPM legends
GIAN AUDITIONED FOR PBB 737
Isang bagong karanasan para kay Gian ang pag-arte.
“It’s definitely a new experience," sambit niya.
"Kanina pa lang bago pumasok, sobrang iba sa feeling na mag-isa akong ini-introduce.
"Definitely, isa ito sa mga dapat ko i-conquer, pero it’s a good kind of scare."
Pero sinubukan na raw niya noong sumali nang palihim sa mga online audition dahil sa kanyang kagustuhang maging artista.
“Hindi alam ni Mama, pero noon, nag-online audition ako sa PBB.
"Batch nina Bailey May and Ylona Garcia. It was PBB 737 [2015].
“Nagkaroon ng responses na kailangan kong umuwi ng Pinas," kuwento ni Gian, na noon ay naninirahan sa Qatar.
Pagpapatuloy niya: "So, dun pa lang sa thought na yon, sabi ko, 'Uy, Grade 8 pa lang ako. Hindi ako papayagan.'
"Sabi ko, 'Sige, maybe in the future.'"
Hindi raw hahayaan ni Gian na maging sagabal sa pagiging mang-aawit niya ang kanyang acting career.
Saad niya: “Ever since, ang pinakaprinsipyo ko as a person, I wanna live for the arts.
"So, ito yung gusto kong gawin hanggang sa pagtanda ko.
“I won’t treat it as a distraction. I will treat it as something that would make me a better artist.
"Kumbaga, kung na-start ko yung childhood ko as a performer, I want it to be fully realized ngayon na abot-kamay ko na yung mga ganyang opportunities.
“It would definitely be challenging, pero I won’t let it be a distraction sa music.”
Kung mabibigyan ng pagkakataon, sina Anne Curtis at Sarah Geronimo ang dalawa sa Viva stars na nais daw makatrabaho ni Gian sa pelikula.
“I would like to work with fellow Viva artists ko, Anne Curtis, Sarah G.
“Isa po siya [Sarah] sa pinaka-inspiration ko. Kasi nag-start din siya as a singer and then she explored her artistry by exploring film and TV,” sabi ni Gian.
Read: Pops Fernandez reacts after fans slam her Startista Gallery statue