Isang sorpresa para sa manonood ng Eat Bulaga! ang paglabas ni Kris Aquino sa TV5 noontime show nitong Huwebes, Hunyo 25, 2026.
Ilang araw nang guest co-host sa Eat Bulaga! ang kanyang anak na si Bimby Aquino-Yap.
Pero mas nagkaroon ng ingay ang surprise appearance ni Kris dahil sa mensahe niya para kay Ryzza Mae Dizon, isa sa mga co-host ng Eat Bulaga!.
Bati ni Kris Ryzza Mae, “Mag-kiss ka sa future mother-in-law mo.”
Pagkatapos nito ay nagpahaging si Kris sa mga "nang-aapi" umano kay Ryzza Mae.
“I love you. Dun sa nabalitaan kong nang-aapi sa yo, don’t mind them, because success is the best revenge.
"Ang laki ng iginanda mo... I think dahil may nagpapaganda sa yo,” sabi ni Kris kay Ryzza Mae sabay tingin kay Bimby.
Read: Pops Fernandez reacts after fans slam her Startista statue
"LOTUS FEET" JOKE ON IT'S SHOWTIME
Walang binanggit si Kris kung sino ang mga "nag-aapi" kay Ryzza Mae.
Pero pinaghihinalaan ng ilang netizens na may kinalaman ang mensahe ni Kris kay Ryzza Mae sa episode ng katapat na programa ng Eat Bulaga!, ang It's Showtime, noong Sabado, Hunyo 20.
Sa segment na "Laro-Laro Pick" ng It's Showtime, binanggit ni Kim Chiu ang pangalang "Ryzza Mae" sa skit nila ni Brent Manalo.
Sa isang bahagi ng skit, tinanong ni Kim si Brent kung bakit hindi ito mapakali.
“Si Lotus Feet, nasa likod mo!” reaksiyon ni Brent.
Sa likuran ni Kim ay lumitaw ang co-host na si Jugs Jugueta na nakatalukbong ng puting tela at may pulbos ang mukha.
Sabi ni Kim, “Lotus Feet? Ano bang Lotus Feet? Aaay, bakit si Ryzza Mae?! Aaaay! Ano nangyari? Aaaay!”
Nang marinig ito ay sumayaw si Jugs ng dance steps na pinasikat noon ni Ryzza Mae.
Sumali rin si Vice Ganda sa eksena dahil nagsisigaw siya ng “Ay, si Lotus Feet! Si Lotus Feet!”
May koneksiyon si Kris kay Lotus Feet dahil ito ang kinatatakutang karakter sa kanyang blockbuster movie na Feng Shui, na ipinalabas sa mga sinehan noong Setyembre 2024.
Ang role na Lotus Feet sa Feng Shui ay ginampanan ni Rosita Lim.
Read: Matet de Leon fires back at Ian: "Sana sinabi mo rin sa tao yung mga nagawa mong mali."
KRIS AQUINO'S MESSAGE TO RYZZA MAE DIZON
Sandaling-sandali lamang ang paglabas ni Kris sa Eat Bulaga!, pero pinag-usapan ito dahil sa mensahe niya para kay Ryzza Mae.
Pansamantalang nag-alis si Kris ng suot na facemask nang bigyan siya ng pagkakataong batiin ang mga manonood ng Eat Bulaga!.
Ipinagmalaki ni Kris na siya ang pumili ng kasuotan ni Bimby na may letrang "R" (for Ryzza).
Sabi niya, “Alam mo, ako ang wardrobe niya. So, nung nakita ko ‘Ay, may letter R!' Binili ko agad.’"
Nagpahiwatig din si Kris ng kagustuhang maging co-host ng Eat Bulaga! nang sabihin niya: “I love you to all the Dabarkads! Can I guest co-host next time?”
Nang biruin ng host na si Joey de Leon na magiging "Ryzza Mae Aquino" si Ryzza Mae kapag nagkatuluyan sila ni Bimby, itinama siya ni Kris at sinabing "Ryzza Mae Cojuangco Aquino."
“MaeBy” ang inimbentong pangalan ng loveteam nina Bimby at Ryzza na nag-umpisa sa 21st birthday ni Ryzza Mae noong Hunyo 12, 2026.
Si Bimby ang inimbitahan bilang surprise guest sa birthday celebration ni Ryzza sa Eat Bulaga!.
Kinantahan ni Bimby si Ryzza Mae ng “Maybe This Time.”
Nagkaroon ng panawagang gawing loveteam ang dalawa dahil marami ang kinilig kina Ryzza Mae at Bimby.
At dito nga nabuo ang MaeBy.
Read: Bimby and Ryzza Mae spark kilig with their Eat Bulaga! reunion