Nagkaroon ng komunikasyon ang Comedy Queen na si Ai-Ai delas Alas kay Marizel Cambri Yukee noong Oktubre 14, 2025.
Si Marizel ang Filipino-American nurse na kinasuhan dahil sa pagkakasangkot nito sa $906-million (PHP51 billion) healthcare fraud.
Kabilang sina Ai-Ai at Marizel sa mga Pilipinong pinarangalan sa 15th The Outstanding Filipino Nevada Awards (TOFA) na ginanap sa Orleans Showroom, Las Vegas, noong Oktubre 17, 2025.
Si Boy Abunda ang emcee sa naturang awards night, kung saan pinarangalan din sina Pops Fernandez, Jaya, at Christian Bautista.
AI-AI DELAS ALAS RECEIVED A MESSAGE FROM MARIZEL CAMBRI YUKEE
Dalawang araw bago idinaos ang gabi ng parangal ng TOFA, inilahad ni Ai-Ai na nakatanggap siya ng text message mula kay Marizel bagamat hindi niya ito personal na kilala.
Ayon kay Ai-Ai, ipinakilala raw ni Marizel ang sarili bilang "owner" ng My BestHealth First wound clinic.
Tinanong daw ni Marizel kung kailan ang "best time" para sila makapag-usap.
Sumagot daw si Ai-Ai kung tungkol ba sa show ang pag-uusapan nila.
Nilinaw ni Marizel na tungkol sa negosyo ang purpose ng kanilang meeting. Idinagdag pa raw nitong mayroon siyang limang clinic sa San Francisco area.
Pero magalang daw sumagot si Ai-Ai na hindi siya interesado sa anumang negosyo.
Sa eksklusibong panayam ng Cabinet Files kay Ai-Ai ngayong Linggo ng gabi, Hunyo 28, sinabi niyang mabuti na lang at tumanggi siyang makipag-meeting kay Marizel dahil baka kung ano pa raw ang nangyari.
Saad ng actress-comedienne: “Buti na lang, suplada and tamad ako sa ganyan. Gusto ko lang mag-artista. Hindi rin ako marunong sa mga ganyang negosyo.
“Saka buti na lang, hindi ako interesado dahil na-scam na nga ako ng dating asawa ko, dadagdag pa siya?”
Gulat na gulat daw si Ai-Ai sa malaking kasong kinakaharap ni Marizel, na nag-buhay mayaman sa Amerika gamit umano ang taxpayers' money.
Naging isang malaking balita ito sa Amerika at ibang panig ng mundo,
Read: Jhen Go, Jeremiah Rosales' wife, opens up about conflict with Jericho
HEALTHCARE FRAUD SCHEME
Ayon sa dokumentong inilabas ng Department of Justice ng Amerika, kumita si Marizel at ang mga kasabwat nito sa pamamagitan ng pagbibigay ng mga maling claim para sa mga serbisyong hindi nararapat at hindi pasadong bayaran ng Medicare at TRICARE.
Ang Medicare ay ang national health insurance program ng Amerika para sa senior citizens at ilang persons with disabilities.
Ang TRICARE naman ay ang health care program ng U.S. para sa mga miyembro ng military at kanilang pamilya.
Parehong taxpayer-funded ang Medicare at TRICARE kaya ang anumang panloloko sa kanila ay direktang kawalan sa pondo ng publiko.
Isinapubliko ng U.S. Department of Justice ang mga pag-aari umano ni Marizel na mga mamahaling sasakyan, alahas, bahay sa Hawaii na nagkakahalaga ng isang milyong dolyar, at tatlong milyong dolyar na certificate of deposit.
May ipinapatayo ring beach resport si Marizel sa bayan niya sa Sta. Ana, Cagayan, ang Ultra Coastal Beach Resort, na tinatayang US$4.6 million ang halaga.
“Not guilty” ang inihaing plea ni Marizel sa lahat ng mga bintang laban sa kanya.
Pumayag ang U.S. Federal Court na sumailalim siya sa home detention sa Las Vegas, Nevada, sa pamamagitan ng conditional release na may US$1M bond at pagsusuot ng GPS ankle monitor habang dinidinig ang kaso niya.
Read: Kris Aquino's message to Ryzza Mae Dizon in Eat Bulaga! sparks buzz
YUKEE REMOVEd FROM LIST OF TOFA AWARDEES
Dahil sa mabibigat na paratang laban kay Marizel, inalis na ng pamunuan ng TOFA ang pangalan niya sa listahan ng mga Pilipinong pinarangalan dahil sa kanilang mga natatanging kontribusyon sa lipunan.
Naglabas ng opisyal na pahayag ang TOFA founder na si Elton Lugay tungkol dito.
Saad niya: “The Outstanding Filipino Awards (TOFA) is aware of reports that Ms. Marizel Cambri Yukee, previously recognized as one of the TOFA 100 Most Influential Filipinos in Las Vegas in October 2025, has been indicted in connection with alleged health care fraud currently pending in U.S. Federal Court.
“Ms.Yukee was nominated by respected leaders in the Filipino American community in Nevada and her recognition was based on her publicly documented achievements and positive impact at the time she was honored.
“Her indictment was announced in June 2026, several months after the award was conferred in 2025. She is no longer on the roster of TOFA awardees.
“TOFA recognizes the serious impact that health care fraud can have on individuals, families. As this matter proceeds through the appropriate legal channels, we respect the process and trust that it will be addressed thoroughly under U.S.law.”
Bukod dito, burado na rin ang mga pagbati kay Marizel ng Provincial Government ng Cagayan at ng Tuguegarao City Information nang tumanggap siya ng pagkilala mula sa TOFA noong Oktubre 2025.
Read: Matet blasts bashers, challenges Ian to tell the whole story