Sa ikalawang pagkakataon, muling nagwagi si Billy Crawford sa isang talent competition sa France.
Siya ang idineklarang grand winner sa final competition ng Mask Singer France Season 9 na naganap noong Hunyo 27, 2026 (Hunyo 28, 2026 sa Pilipinas).
Unang nagwagi si Billy sa Season 12 ng Danse avec les stars, ang French version ng Dancing with the Stars na napanood sa TF1 ng France mula Setyembre 9, 2022 hanggang Nobyembre 11, 2022.
Walang kamalay-malay ang mga Pinoy na kasali si Billy sa Season 9 ng Mask Singer France kaya nasorpresa ang lahat nang isiwalat na siya ang nasa likod ng maskara ng The Donkey o L’ Âne.
Mula sa pagiging host ng tatlong season ng Masked Singer Pilipinas ng TV5 at Viva TV noong Oktubre 2020 hanggang Agosto 2025, naging kalahok si Billy sa Mask Singer France.
Ito ang dahilan ng pananahimik at matagal na pagkawala niya sa bansa.
Isang malaking karangalan para sa Pilipinas na tinalo ni Billy ang dalawampu’t dalawang (22) contestants ng Mask Singer France.
Mula sa umpisa hanggang sa katapusan ng kumpetisyon, puring-puri si Billy ng mga hurado dahil sa kanyang husay sa pagkanta at pagsasayaw kaya siya ang idineklarang panalo.
Read: Billy Crawford wins French edition of Dancing With The Stars
BILLY CRAWFORD PEFORMS "BEAT IT" AT THE FINALE
Ang "Let’s Get It Started" ng Black Eyed Peas, "Despacito" ni Luis Fonsi, "I Got You (I Feel Good)" ni James Brown, "Uptown Funk" ni Mark Ronson, at "Le Potrait" ni Calogero ang mga inawit ni Billy sa bawat kabanata ng naturang kumpetisyon.
Para sa grand finals ng Mask Singer France, ang "Beat It" ni Michael Jackson ang kinanta ni Billy at nagpanalo sa kanya.
“This was an absolutely amazing experience!” social media post at pasasalamat ni Billy tungkol sa kanyang tagumpay sa Mask Singer France.
“Thank you to my Mask Singer TF1 family for keeping me a secret for a whole month!
“Thank you to the costume designers for your incredible patience and for the countless adjustments you made along the way.
“To everyone who voted for me, thank you from the bottom of my heart.
“L’Ane was a very special character to me because I chose it with my son Amari in mind. I figured if he loved it, everyone else would too!
“Most of all, thank You, Lord God, for giving me the courage, strength, and opportunity to compete—and on top of that, to win!”
Read: Thai superstar Nadech Kugimiya secretly filmed by motorcycle rider