Malaki ang kinalaman ng kalagayan ng kanyang kalusugan sa desisyon ng award-winning radio anchor at TV personality na si Bro. Jun Banaag o Dr. Love, 75, na tuluyan nang talikuran ang propesyon niya.
Hindi madali para kay Brother Jun na iwanan ang Dr. Love, ang kanyang programa sa 105.9 True FM mula Disyembre 2022 hanggang Hunyo 30, 2026.
Ito ang dahilan kaya pinili niya ang phonepatch interview para magpaalam sa mga tagapakinig sa radyo.
BROTHER JUN RETIRES FROM BROADCASTING
Sa pakikipag-usap niya kay DJ Popoy, isiniwalat ni Brother Jun ang kanyang karamdaman.
Ito raw ang dahilan ng kanyang pasyang permanente nang magretiro mula sa radyo, na naging mundo niya sa loob ng mahigit limang dekada.
Lahad ni Brother Jun: “I think it was on the 12th of June, even before that, the 10th of June, nakaramdam na ako ng kakaibang feeling sa station.
“Tuwing matatapos ang programa, nagchi-chill ako, pero wala naman akong fever.
"So, lagi kong minamadali yung personal assistant ko na makalabas kami para walang aircon.
“On the 15th of June ay itinakbo ako ng apo ko sa hospital, sa emergency room, kasi nagchi-chill ako.
"And we found out after the X-ray na nagkaroon ako ng pneumonia.
Ipinagtapat ni Brother Jun ang pagkakaroon ng Chronic Obstructive Pulmonary Disease (COPD) na resulta umano ng kanyang paninigarilyo noong kabataan niya.
Ayon kay Brother Jun, ang COPD ang mahigpit na kalaban ng pneumonia.
Saad niya: “When the doctor found out, hindi na ako pinalabas ng hospital, so I stayed there for about five days.
"I had all the time in the world to meditate and reflect on my life and my career.
“The doctor said it would take some time, medyo matagal nang konti bago bumalik yung dati.
"And I didn’t want the program to suffer dahil matagal akong mahihirapan magsalita.
“In fact, ngayon, medyo hindi pa rin buo ang boses ko because of the nebulizer that I took from the hospital. Medyo nawala yung boses."
Read: Ai-Ai delas Alas, Rosanna Roces finally end 25-year feud
NOT AN EASY DECISION
Dagdag ni Bro. Jun: “Hindi madali to make a decision. I have been in the industry for about 57, 58 years.
"Dr. Love is running twenty-eight years this year, and hindi madali para sa akin.
“The whole family, my children met, and we sat down.
"Yung mga anak ko sa United Arab Emirates and everybody here, suggest to me na, ‘You have made good in your career. I think it’s about time you rest. I think it’s about time you find time for yourself also, the joy of life, in your remaining life.'
“Hindi ganoon kadali bitawan ang isang programa. Hindi ganoon kadali talikuran ang listeners.”
Pinasalamatan ni Bro. Jun ang lahat ng kanyang mga tagapakinig at tagasuporta simula nang mag-umpisa siya sa radyo noong 1970, hanggang sa programa niya sa DZMM na napakinggan at napanood sa Teleradyo mula Setyembre 1997 hanggang Disyembre 2022.
Noong Hunto 30, inimbitahan ng pamunuan ng 105.9 True FM si Bro. Jun na live magpaalam sa kanyang mga tagapakinig, pero tinanggihan niya dahil baka “mag-breakdown” daw siya.
Read: VMX star Angel Castro shares painful truth about mom Raven Villanueva