Atasha headlines Hotdog concert; Maso reveals what to expect

Makakasama ng Bongga Ka 'Day: The Annie Batungbakal Musical star na si Atasha Muhlach sina Adie, Rob Daniel, Wilbert Ross, Aubrey Caraan, Alamat, at GAT sa Manila, Manila, The Hotdog Tribute Concert na gaganapin sa Agosto 8, 2026 sa Newport Performing Arts Theater, Newport World Resorts, Pasay City.

Tampok din sa concert ang tatlo sa orihinal na babaeng bokalista ng Hotdog — sina Rita Diaz, Gina Montes-Infante, at Maso Diez-Rivera.

Personal silang makikibahagi sa pagbibigay-pugay sa isa sa pinakatanyag na OPM bands sa kasaysayan.

Itinatag noong 1973 ng magkapatid na sina Dennis at Rene Garcia, kasama sina Mon Torralba, Tito del Rosario, Roy Diaz de Rivera, Lorrie Lustre, Jess Garcia, at Ella del Rosario, ang Hotdog ang kinikilalang nagpasikat ng Manila Sound sa bansa.

Ilan sa kanilang mga iconic hits ang "Manila," "Pers Lab," "Langit Na Naman," "Beh! Buti Nga," "Annie Batungbakal," "Bongga Ka 'Day," at "Ikaw ang Miss Universe ng Buhay Ko."

Sa tribute concert, aawitin ni Atasha ang "Pers Lab."

Makakasama rin niya bilang special guests ang kanyang co-stars sa Bongga Ka 'Day: The Annie Batungbakal Musical na sina Sam Concepcion, KD Estrada, Jeff Moses, at Anthony Rosaldo.

Read: Melanie Marquez forgives husband Randy Lawyer after abuse allegations

ORIGINAL HOTDOG SOUND STILL LOVED BY GENERATIONS

Sa media conference ng Hotdog tribute concert, ibinahagi ni Maso ang ilan sa mga dapat abangan ng audience, kabilang ang kanilang layuning mapanatili ang orihinal na tunog ng mga awitin ng Hotdog.

Saad niya: “In behalf of me, Rita and Gina, I think what we would try to sing is actually the renditions of the original way it was sang if that is possible.

“So, I guess we will be doing a song that’s not probably familiar to everybody but it’s written by Dennis and arranged by Rene.

“And of course, we will be performing one song each. I think Gina will be doing a duet with… because Gina was the one who catapulted 'Panaginip' to its fame and I think she’s sharing the stage with Miss Aubrey Caraan for that number.

"That’s what I know."

Hindi rin maitago ni Maso ang kanyang pagmamalaki na hanggang ngayon ay patuloy pa ring minamahal at ipinagdiriwang ang musika ng Hotdog, ilang taon matapos pumanaw sina Rene noong Setyembre 2018 at Dennis noong Enero 2020.

“Knowing that it’s still out there, popular. I mean everybody loves Hotdog. I think you’ll love Hotdog.

“How does it feel? So much pride and actually, they know that Dennis and Rene are even prouder, especially this musical was actually being conceptualized even before the pandemic. But it never came to be because nga nagka-pandemic.

“They’re gonna miss it but wherever they are, I think they’re very proud of the fact that these young people, these young artists will be singing their songs in the musical.

"They will be very proud,” ani Maso.

Read: Angelica Panganiban's latest post fuels AngBeKi speculation

PRELUDE TO BONGGA KAY 'DAY MUSICAL

Magsisilbing prelude ang Manila, Manila, The Hotdog Tribute Concert sa nalalapit na pagbubukas ng Bongga Ka 'Day: The Annie Batungbakal Musical, na magsisimula ang pagtatanghal sa Setyembre 18, 2026.

Nagsimula na ring mag-promote ang cast ng musical.

Nitong Biyernes, Hulyo 17, naging panauhin si Anthony Rosaldo sa Unang Hirit, kung saan inawit niya ang "Manila."

Gayunman, may ilang nakapansin na tila nagkamali siya sa isang bahagi ng lyrics. Sa kanyang performance, ang kanyang inawit ay: “I've tried the rides at Disneyland.”

Samantalang sa orihinal na bersiyon ng Hotdog, ang linya ay: “I've tried the rides in Disneyland.”

Mahalagang maging mas maingat at kabisaduhin nang husto ni Anthony ang lyrics ng kanyang mga inaawit, lalo na't kabilang sa mga pinakatanyag at iconic na awitin ng Hotdog ang "Manila," na isa sa mga sentrong inspirasyon ng musical.

Read: Kim Molina earns "Dramedy Queen" title as 2 films enter Netflix Top 10