Nag-umpisa noong 2023 ang mga balitang nag-uugnay kay Miss Universe Philippines 2019 Gazini Ganados, 30, at sa aktor na si Gab Lagman, 30.
Muling nabuhay ang mga haka-hakang may relasyon ang dalawa dahil namataan si Gab nang sumali si Gazini sa inaugural edition ng Miss Grand International All Stars sa Bangkok, Thailand, noong Mayo 30, 2026.
Sa mediacon para sa Viva All Star Games ngayong Lunes, Hulyo 20, tinanong kay Gab ang tungkol sa diumano’y pagkakamabutihan nila ni Gazini.
“Right now, I’m just happy with Viva All Star Games, that's all I can say,” matipid na sagot ni Gab.
Nagulat ang Viva hunk sa biro ng entertainment press na "in love na in love" siya kay Gazini.
“She’s actually… I’m proud of her and she’s my best friend,” reaksiyon ni Gab nang muli itong usisain tungkol sa kasalukuyang sitwasyon ng relasyon nila ni Gazini.
"We’ve known each other for a long time, nine years na yata.
"We’re happy. We’re focused on our careers.”
Sinagot din ni Gab ang tanong ng Cabinet Files tungkol sa posibilidad na maimpluwensiyahan siya ni Gazini sumali sa mga male pagent dahil sa kanyang height at itsura.
Aniya, “Actually, right now, I’m just really focused with my acting career and I wanna do some other roles pa. I wanna be better at my craft.”
Read: Mika Salamanca on real score with Will Ashley: "High score!"
VIVA ALL STAR GAMES
Gaganapin ang Viva All Star Games sa Araneta Coliseum sa Agosto 16.
Ipinagmalaki ni Gab na ang paglalaro ng basketball ang "first love" niya kaya nagpapasalamat siya sa proyektong All Star Games ng kanyang home studio.
Saad niya: “It’s my first love. I always give time to basketball.
"And, yun nga, I’m very happy na Viva gave us this opportunity, All Star Games.
“I’m very thankful na binigyan kami ng opportunity na maipakita yung skills namin.
“I am super excited. Pinaghahandaan namin yung All Star Games and it will be next month na."
Ayon pa kay Gab: “Maraming magagaling na players sa amin — sina Jairus Aquino, Joseph Marco, Rabin Angeles, Jerome Ponce, Mark Gallo...
"So, all out na ibibigay namin para sa team.
“At siyempre, yung University Boys [series], yung ibang Viva One artists na we barely nakakasama. We’re building brotherhood.
“We do trainings with Coach Jerry Codiñera. We do weekly trainings para may chemistry kami.
“I also do drills with other coaches to work on my skills. Kasi siyempre, we want to give everything to the fans.”
Tuwang-tuwa si Gab dahil mararanasan niya sa kauna-unahang pagkakataong makapaglaro ng basketball sa iconic Araneta Coliseum.
“My first dream is to become a professional basketball player so dream come true na makalaro ako sa Araneta Coliseum. I am really excited,” pagbabahagi ni Gab.
Muling natawa si Gab nang tanungin kung iimbitahan niya si Gazini na panoorin ang Viva All Star Games.
Sagot niya, “We’ll see. Basta manood na lang po kayo. Hopefully, mag-enjoy kayo sa game.”