Naniniwala at umaasa ang mga nagmamalasakit na kaibigan at kapamilya na pansamantala lamang ang paghihiwalay ng showbiz couple.
Nakipaghiwalay ang misis sa male personality dahil, sa kauna-unahan na pagkakataon, humantong sa pisikalan ang hindi nila pagkakaunawaan.
Ikinalungkot ng mga kaibigan at pamilya ng male personality ang naganap na hiwalayan.
Nasaksihan kasi nila nang personal ang pag-aasikaso at ang mahirap pantayang pagmamahal ng misis sa mister nito.
Read: Former bold star Amanda Amores denies making "pene" movies
BAD INFLUENCE
Nag-umpisa ang problema ng mag-asawa nang maging kabarkada ng male personality ang mga katrabaho niya sa isang programa sa telebisyon.
Malaki ang ipinagbago ng ugali at nagkaroon ng bisyo ang male personality dahil naging masamang impluwensiya sa kanya ang mga barkada niya.
Hindi nagkulang ang misis sa paggabay at pagbibigay ng mga paalaala sa male personality para sa ikabubuti nito.
Pero hindi siya pinakinggan kaya nabalewala ang kanyang mga sakripisyo.
Hindi matanggap ng male personality na iniwanan ito ng asawa na araw-araw niyang tinatawagan sa telepono at ginugulo.
May posibilidad magkabalikan ang mag-asawa.
Pero mangyayari lamang ito kung tuluyan nang magbabago ang male personality at tatalikuran nito ang mga kaibigang hindi naging mabuti dahil puro kalokohan ang itinuro sa kanya.
Read: James Graham on unexpected coming out: "I'm still in shock."