Hindi napigilan ng dating Pinoy Big Brother housemate at aktres na si Say Alonzo ang maluha matapos masunog ang isa sa kanilang negosyo sa Sta. Rosa City, Laguna.
Nasunog ang pag-aari nilang Chicken Inasal By Aida's Bacolod sa Arcadia 2, Paseo Outlets ng Greenfield City, noong Sabado ng umaga, Hulyo 25, 2026.
Sa mga kumalat na video online, makikitang nagtulong-tulong ang mga security guard na apulahin ang apoy habang hinihintay ang pagdating ng mga tauhan ng Bureau of Fire Protection.
Tuluyang natupok ng apoy ang restaurant.
Nalaman lamang ng publiko na isa si Say sa mga may-ari ng negosyo matapos siyang magbahagi ng emosyonal na mensahe sa social media noong Linggo, Hulyo 26.
Aminado ang aktres na hanggang ngayon ay hirap pa rin siyang tanggapin ang nangyari.
Hindi pa nga raw siya nakakapunta sa lugar dahil sapat na ang mga video ng sunog para muling maiyak siya.
Saad ni Say: “It’s really hard to accept what happened but we have no choice but to move on and plan what we will do next.
“Please pray for all of us at @aidaliciousarcadia so we can get back on our feet, especially for our team who really needs to work for their families.
“I haven’t been to the site. I was with the kids at home yesterday and I’ve only seen the videos from the news — each video made me cry and those videos are still making me cry.”
Read: Two Pinoys recount viral fistfight with pickpockets in Rome subway
BURNED DREAM
Bukod sa negosyo, sinabi ni Say na ang higit nilang iniisip ng kanyang asawang si Ryan Tordesillas ay ang kapakanan ng kanilang mga empleyado, na umaasa sa restaurant para sa ikabubuhay ng kani-kanilang pamilya.
Ikinuwento rin niya ang hirap na kanilang pinagdaraanan matapos ang insidente.
“Ryan and I couldn’t sleep at all last night even if we took melatonin but I think it will take weeks or months before we get a good night’s sleep again.
“After Sunday mass, we usually pass by for inasal take out but today, it was different, I cried in mass, and the kids told me if we could please not pass by the restaurant because they don’t want to see it. Ryan and I don’t want to see it either.
“It’s like seeing your hard-earned money and dreams burned. I actually don’t know when I will be ready to see it.”
Ayon kay Say, ang kanyang asawa ang mas matatag sa kanilang dalawa sa gitna ng pagsubok.
Pinapayuhan siya nitong umiwas muna sa social media at magpokus sa kanilang mga anak, bagamat aminado siyang mahirap itong gawin dahil bahagi iyon ng kanyang trabaho.
“Between me and Ryan, he is the strong one. He told me not to look at social media muna pero ang hirap kasi it is my work. Mag-focus daw muna ako sa kids and other things I like to do,” sabi ni Say.
SAY ALONZO VOWS TO COME BACK STRONGER
Sa kabila ng matinding dagok, nangako si Say na hindi sila susuko.
Umaasa siyang muling makakabangon ang kanilang negosyo at patuloy silang susuportahan ng kanilang loyal customers.
Aniya: “Anyway, don’t you worry, we will be back stronger!! When that time comes, I hope all of you will still be here to support us.
“For the meantime, please pray for us. Hope things will be better for us, soon.”
Read: 1980s pop icon Debbie Gibson impressed by Filipinos singing "Lost In Your Eyes" at karaoke