Sina Vice Ganda, Janno Gibbs, Ronnie Liang, at ang Hashtags ang mga espesyal na panauhin ni Wilbert Ross sa pangalawa at huling gabi ng WRten, ang kanyang first major at 10th anniversary sold-out concert na itinanghal sa New Frontier Theater, Cubao, Quezon City, nitong Linggo, Hulyo 26, 2026.
Si Janno ang gumaganap na tatay ni Wilbert sa Viva One series na Luv U Lots,
Si Ronnie ang nag-record ng unang cover ng "Byahe ng Buhay" na isinulat ni Wilbert kaya tumatanaw ito ng utang na loob mula sa kapwa niya singer.
Ikinagulat ni Wilbert ang kuwento ni Ronnie na kinakanta na rin sa mga simbahan ang "Byahe ng Buhay," na orihinal na komposisyon niya.
Tumagal ng tatlong oras ang WRten pero hindi kinakitaan ng pagkapagod at hindi rin nagbago ang tono ng pagkanta ni Wilbert.
Read: Sarah Geronimo reunites with parents, shares heartfelt duet with dad for 38th birthday
HASHTAGS REUNION
Maligayang-maligaya si Wilbert dahil ang concert niya ang nagsilbing reunion ng Hashtags, ang grupo na dating mainstay ng noontime variety program na It’s Showtime.
“Huh, grabe! Ngayon lang kami nakapag-perform simula nung matanggal kami sa Showtime!” sabi ni Wilbert kaya umalingawngaw ang tawanan sa loob New Frontier Theater.
Kasama ni Wilbert na nagsayaw ang Hashtags members na sina Nikko Natividad, Zeus Collins, Jameson Blake, Tom Doromal, Luke Conde, Jon Lucas, Ryle Santiago, Jimboy Martin, Maru Delgado, at Kid Yambao.
Nagpahayag ng kasiyahan ng Hashtags members sa tagumpay ni Wilbert.
Mensahe ni Jameson: “Sobrang proud kami sa yo kasi madaming nangyayari sa buhay mo.”
Sabi ni Luke: "We are so proud of you. Witness kami kung gaano ka ka-passionate when it comes to your craft.
"And nagbunga na ang mga pagsisikap mo and you inspire us to strive even harder."
Sabi naman ni Jon: “Congratulations! Grabe, soldout ang concert mo. Lahat sila, nagmamahal sa yo.
"Ganoon din kami, mula day one, sobrang minahal ka namin dahil alam naming mabuti kang tao, mabuti kang anak, mabuti kang kaibigan, at mabuti kang aktor.”
Inalala riin ng grupo si Franco Hernandez, ang Hashtags member na pumanaw noong Nobyembre 17, 2017, matapos nalunod sa Davao Occidental.
Saad ni Ryle: “Nakakatuwa kasi, finally, naabot ni Wilbert ang mga pangarap niya.
"Hindi siya huminto, lahat ginawa niya. Sobrang proud kami.
"Kanina sa opening, naiiyak kami. Lahat kami proud na proud sa yo.
"And I’m sure, Franco will be proud of you also."
Pero ang mensahe ni Nikko kay Wilbert ang tumanggap ng pinakamalakas na reaksyon mula sa manoonood.
“Napakadaming sumusuporta sa yo. Ito ang best time para magtayo tayo ng networking!
“Masaya kasi ako kasi lahat ng narating ko, narating mo na!
"May isa lang akong ginawa na hindi mo pa nagagawa!” biro na binitiwan ni Nikko, na patungkol sa video scandal na kinasangkutan niya.
Ito ang dahilan kaya nagtawanan ang lahat at sinabunutan siya ng kanyang mga kasama.
Pero bumawi si Nikko nang sabihin niya, “Yung magkaroon ka ng sariling pamilya soon!"
Read: Two Pinoys recount viral fistfight with pickpockets in Rome subway
EMOTIONAL MOMENT WITH VICE GANDA
Ang "Mapa" ng SB19 ang inawit nina Wilbert at Vice Ganda.
Naluluha at lubos ang pasasalamat ni Wilbert kay Vice dahil sa pagsipot nito sa kanyang concert.
Pagbabahagi ni Wilbert: “Binibigyan niya ako ng spot sa Showtime kasi hindi ako binibigyan dati.
"Ma, sobrang thank you dahil hindi ko ine-expect na pagbibigyan mo ako.
“Ako kasi, never ako nag-chat kay Mother Dear about sa career.
"Never kong ginawa yung, ‘Ma, tulungan mo naman ako dito. Ma, tulungan mo naman akong makapag-promote sa Showtime.’
“Never ko po yon sinabi kasi ayokong maramdaman niya na parang ganoon lang.
"Genuine lahat, siya yung nanay ko dito sa Manila.”
Sa panayam ng PEP.ph (Philippine Entertainment Portal) noong Mayo 2023, ibinahagi ni Wilbert na naging biktima siya ng bullying ng isang dating tauhan ng It’s Showtime.
Read: Wilbert Ross claims he's the victim of a power-tripping boss of It's Showtime
Ikinuwento naman ni Vice na gusto talaga nitong panoorin ang 10th anniversary show ni Wilbert, pero ayaw niyang mag-perform.
Lahad niya: “Gusto ko lang kasi manood. Ayokong mag-guest kasi alam ko naman na wala rin naman bayad.
“Sabi ko manonood ako. Pero last minute, nag-text siya, 'Sana mag-guest ka kasi gusto ko makasama ka sa isang number.’
"Pero hindi ako nag-reply. Nag-reply ako sa production. Sabi ko, 'Sige, i-surprise natin. Magge-guest ako sa kanya.'"
Biro pa niya, "Pero ganoon pa rin, wala pa rin itong bayad. For the love of Wilbert. Abonado pa sa spraynet saka sa pangdikit ng wig."
Seryosong dagdag ni Vice: “I cannot miss this for the world. I need to be here to witness for myself kung saan na napunta yung anak-anakan.
“Ang sarap sa pakiramdam na napakadami ninyong nagmamahal sa kanya. He has been waiting for this moment and he surely deserve this moment.
“Sobrang patient ni Wilbert. Ang tagal-tagal niyang naghintay.
"Sabi ko, 'Huwag kang susuko. Ito naman parang sira-ulo.' Ginaganoon ko siya lagi. Lagi niyang gustong umuwi ng Davao.”
Naging malapit si Vice kay Wilbert dahil ito raw ang kanyang tinatawagan noon kapag may problema sila ng partner niyang si Ion Perez.
Matalik na magkaibigan sina Wilbert at Ion dahil magkasama silang nanirahan noon sa isang condominium building, pero magkaiba ang kanilang mga kuwarto.
Lalong napalapit si Wilbert kina Vice at Ion nang manirahan siya sa bahay ng dalawa noong panahon ng coronavirus pandemic.
Read: Charlie Fleming surprised but supportive of James Graham’s coming out