Hindi lamang si Heaven Peralejo ang lumuha sa media conference ng Our Yesterday’s Escape.
Umiyak din sina Jairus Aquino at Nicole Omillo nang mapanood nila sa kauna-unahang pagkakataon ang trailer ng Viva One series na kanilang pinagbibidahan.
May dahilan para mapaiyak ang dalawa dahil tatlong taon ang hinintay nila bago natupad ang pagbibida nila sa ika-anim at huling installment ng University Series ng Viva One.
Iyak nang iyak din si Jairus nang puntahan nito ang booth ng JaiNicole sa Quantum View ng Gateway Mall 2 at nang magbigay siya ng mensahe ng pasasalamat sa pamamagitan ng pagsasalita, gamit ang isang vintage telephone.
Naramdaman nang husto ni Jairus ang “pressure” ng pagbibida sa Our Yesterday’s Escape nang umakyat sila sa entablado at makita niya ang mga tagahanga nila ni Nicole na matiyagang naghintay sa kanilang pagdating sa presscon venue.
Pahayag ni Jairus: “Mas naramdaman ko ang pressure and, I guess, we would be able to use that pressure to give these people a very good series to close [the University Series].
“We’re just really happy na nandito kami ngayon, doing this last and final book, which is for us, the heaviest book kasi maraming elements.
"So, kabado, but at the same time, we’re gonna use that as fuel to do everything— blood, sweat, and tears. Everything, gagawin talaga namin lahat.
"Sabi nga ni Direk Gino [Santos], pinaghihirapan namin ito at totoong pinaghihirapan namin.”
Read: Kim Soo Hyun cleared of dating minor allegations
EMOTIONAL MOMENT WITH NICOLE AND JAIRUS
Isiniwalat naman ni Nicole ang kabang nararamdaman sa nalalapit na streaming ng Our Yesterday’s Escape sa Viva One sa Agosto 29, 2026.
Saad niya: “Nakakakaba po na we’ve been doing it nga for a few years now, but it’s an honor to do this. Nakakakaba pero excited.
"Maybe we’re just really overwhelmed with the love and support we’re getting from everybody, especially we’re the last book.
"We’ve been waiting for this for almost three years.”
Nagkuwento rin si Nicole tungkol sa madamdaming eksena nila ni Jairus sa Vivakarda Grand Concert na ginanap noong Agosto 15, 2025 sa Araneta Coliseum.
“The Vivarkada concert happened on my birthday, August 15, and it was such a special day and to perform in Araneta Coliseum was also one of my dreams.
“I was able to do it at first time namin noon ni Jai na mag-perform or makita on stage o together.
"Kasi sa lahat ng series, lagi po kaming nagpa-pass by lang. Never po kaming nagtatagpo.
"So, when we were in that moment, sobrang naramdaman ko si Shan at Kierrai," pagbanggit niya sa mga pangalan ng mga karakter nila ni Jairus sa Our Yesterday’s Escape.
Read: Lala Sotto praises It's Showtime's cooperation amid MTRCB probe
JAIRUS AND NICOLE GET FULL SUPPORT FROM FRIENDS
Buong puso ang pasasalamat nina Jairus at Nicole sa suportang natanggap nila mula sa kanilang mga kaibigang dumalo sa media conference ng Our Yesterday’s Escape.
Naroon ang mga bida ng mga nakaraang University Series na sina Heaven Peralejo at Marco Gallo (The Rain in España); Krissha Viaje at Jerome Ponce (Safe Skies, Archer); Gab Lagman at Hyacinth Callado (Chasing in the Wild); Aubrey Caraan at Lance Carr (Avenues of the Diamond); Bea Binene at Wilbert Ross (Golden Scenery of Tomorrow); at Francis Magundayao.
Napuno ng nagtitiliang fans ang pinagdausan ng media conference ng Our Yesterday’s Escape — matibay na patunay na nagtagumpay ang Viva One sa paglikha ng mga bagong tambalang iniidolo sa kasalukuyan.
Ayon sa industry observers, malaking kontribusyon sa tagumpay ng mga nabanggit na loveteam ang integrated ecosystem ng Viva Entertainment.
Imbes na pagtuunan ng atensiyon ang single medium, binigyan ng Viva ang mga artista nito ng oportunidad sa streaming, music, live entertainment, at pelikula na nagresulta sa 360-degree career path kaya patuloy na nagbabago at umuunlad ang talents na mga contract artist ng kompanya.
Read: Pepe Herrera explains viral kiss with Claudine Barretto: "Game siya."