Inalis na ng Thai PBS World sa website nito ang balita tungkol sa Pilipinong dati umanong piloto ng Philippine Airlines at Air Asia, hiwalay na sa kanyang misis na Thai, at naubos ang pera sa stock market kaya palabuy-laboy na lamang sa lansangan ng Bangkok, Thailand.
Isa lamang ang Thai PBS World sa maraming news outlets sa Thailand na nabiktima ng "fake news" dahil sa mga ulat na kanilang inilabas.
Pinangalanan ng mga news outlet ang "homeless pilot" bilang si "Larry Malpaya."
Ayon sa mga lumabas na ulat, dalawampung (20) taon nang naninirahan sa Thailand ang dating piloto.
Marami rin itong sugat sa katawan na resulta ng pagkakaroon niya ng diabetes at nangangailangan ng tulong.
Hindi binura ng ibang mga news outlet ang kanilang balita, pero inalis nila sa artikulo ang pangalan ng "homeless pilot."
PAL ISSUES STATEMENT ON VIRAL STORY
Inilagay lamang nilang hindi beripikado ang impormasyong piloto ang homeless man matapos maglabas ng opisyal na pahayag ang pamunuan ng Philippine Airlines (PAL).
Dito ay pinabulaanan ng PAL ang inilathalang artikulo ng Thai PBS World.
Paglilinaw nila, si Capt. Larry Malpaya ay aktibong piloto na nagtratrabaho para sa Philippine Airlines, at hindi ang tinutukoy sa lumabas na artikulo.
Pormal daw pinakiusapan ng PAL ang Thai PBS World na itiama agad ang lumabas na artikulo at social media posts upang hindi na kumalat pa ang maling impormasyon.
Nakasaad sa statement: “Philippine Airlines is aware of an online article published by Thai PBS World that incorrectly identifies an individual named Larry Malpaya as a former Philippine Airlines pilot.
“The information is false.
"Capt. Larry Malpaya is an active Philippine Airlines pilot and is not the individual referred to or depicted in the article.
“We have formally requested Thai PBS World to immediately correct the article and all related social media posts to prevent the further spread of this false information.
“Philippine Airlines values responsible journalism and appreciates the prompt correction of factual inaccuracies.
"We remain committed to protecting the reputation and welfare of our employees and ensuring that accurate information is shared with the public.”
Kabilang ang ANC sa mga news channel na nagbahagi ng official statement ng Philippine Airlines.
Samantala, imbes na ituwid ang maling balita, pinili ng Thai PBS World na burahin sa kanilang website ang walang katotohanang ulat.
Read: How much does it cost to watch SB19 at Lollapalooza 2026?
VICTIM OF FAKE NEWS
Pinaniniwalaang biktima si Malpaya ng identity theft at nadamay sa fake news dahil ang kanyang pangalan ang inako ng palaboy na lalake sa Thailand.
Nang i-Google ng Thai na tumulong sa lalake ang pangalan na "Larry Malpaya," nakita nitong piloto ng Philippine Airlines ang umiiyak na palaboy.
Tinulungan ng The Mirror Foundation, isang charity organization sa Thailand, ang palaboy na pinaniwalaan nilang "Larry Malpaya" ang pangalan at dating empleyado ng Philippine Airlines.
Tunay na kaduda-duda ang pagpapakilala ng palaboy na dati itong piloto ng national flag carrier at pinakamatandang commercial airline sa Asia dahil sa kanyang pahayag na dalawampung taon na siyang naninirahan sa Thailand.
Kabilang ang pangalan ni Malpaya sa mga binanggit sa isang artikulo tungkol sa mga empleyado ng Philippine Airlines na hindi nagdalawang-isip bumiyahe sa Japan noong Pebrero 25, 2020 para sa kanilang rescue flight o misyon na sunduin ang mga stranded OFW, sa gitna ng matinding banta ng COVID-19
Bahagi ng nakasaad sa artikulo: “PAL dispatched one Airbus A330 and one A321CEO to Tokyo Haneda on February 25, 2020.
"In command of the A321CEO flying as PR8421 was Captain Romeo Donayre, joined by Flight Purser Rufino Tan. On the A330 flying as PR8423 was Flight Purser Monique Gloria.
“Today, three years after the flight, Donayre, Tan and Gloria look back on that singular mission, their memories still sharp and vivid.
“Capt. Donayre volunteered despite the uncertainty, not knowing if he would be exposed to the full effect of COVID.
"Along with his fellow pilots Captain Larry Malpaya and First Officer Willex Amelliam, he faced the challenge head-on: 'Someone needs to take the first step, and I chose to be that person. I feel proud to have been among the first few pilots who embarked on the journey of the unknown.'"
Lumabas noong 2023 ang artikulong may pamagat na "Mission Accomplished" na pagpapatunay na aktibo si Malpaya bilang piloto kaya imposibleng dalawampung taon na siyang residente ng Thailand.
Taliwas ito sa sinabi ng homeless at palaboy na lalake sa kalye ng Bangkok.
Read: Fuel subsidy increase for PUV drivers being considered by LTFRB