Pumirma ng kontrata si David Licauco para sa pagbibidahan niyang original series ng Viva One ng Viva Entertainment.
Pero tiniyak ng 32-year-old Filipino-Chinese actor na walang magiging problema sa home studio niya, ang GMA Network.
“May contract pa rin talaga ako sa GMA, but it’s a digital series naman and they allowed me to do it.
"So, I don’t think magkakaroon ng problem,” sagot ni David sa panayam ng Cabinet Files sa contract signing na naganap nitong Biyernes ng hapon, Agosto 7, 2026, sa Viva Café, Araneta City, Cubao, Quezon City.
Kasama ni David sa contract signing nito sa Viva One ang kanyang manager na si Arnold Vegafria; ang Viva Communications Inc. CEO na si Vincent del Rosario; at si Viva Communications Inc. Vice-President Val del Rosario.
Noong hindi pa artista si David, napapanood daw niya ang mga pelikula at proyekto ng Viva Entertainment.
Saad ng Kapuso actor: “Actually, nung isang araw nga, sabi ko sa mom ko na I’m doing a project with Viva.
"And sinabi niya sa akin, nung bata daw siya, nung time niya, hit daw talaga yung movies ng Viva.
“For me, to ba part of that, I’m really grateful, I’m really excited.
"And I’ve seen their work the past few years, ang ganda talaga ng mga project nila.
“I’m really grateful and looking forward to work with them.
"Hopefully, marami rin akong matutunan, I’m sure."
Kasunod nito ang pag-amin ni David na ang Diary ng Panget (2014) ang pelikula ng Viva Films na talagang tumatak sa kanya.
Read: Ruru Madrid explains why he now respects brother-in-law Kai Sotto
WILL DAVID STAR IN THE PHILIPPINE ADAPTATION OF PARK SEO JOON'S FIGHT MY WAY?
May balitang si David ang magbibida sa Philippine adaptation ng Korean drama series na Fight for My Way, pero walang kumpirmasyon mula sa kanya.
Bisa sa original series ang idolo ni David na si Park Seo Joon, katambal si Kim Ji Won.
“Aahh, hindi ko pa sure actually. Bawal pa i-announce,” reaksyon ni David.
Paboritong-paborito raw ni David si Park Seo joon at ang K-drama series nitong Itaewon Class.
“Ang lakas kasi ng dating ni Park, di ba? Tsaka ang galing niyang actor.
"I feel like parang sa lahat ng series na ginagampanan niya, iba-iba talaga yung lumalabas.
“Actually, siya ang idol ko na Korean actor.
"Yung Itaewon Class, yung kuwento kasi nun, para siyang nagsimula from nothing to something to everything, di ba?
“Through hardwork, through persistence, and nasa restaurant business din siya.
"So, I feel like medyo parehas kami ng life story in as sense kaya gustung-gusto ko yung teleserye na yon.”
Read: Eric Fructuoso, Aga Muhlach become showbiz's newest fitspiration after dramatic weight loss