Nagsalita si Zoren Legaspi tungkol sa pagbisita ng kanyang pamilya sa tahanan ng pamangkin niyang si Dani Barretto noong unang linggo ng Agosto 2026.
Si Dani ay anak ng nakababatang kapatid ni Zoren na si Kier Legaspi kay Marjorie Barretto.
Kasama ni Zoren na bumisita sa bahay ni Dani ang kanyang asawa na si Carmina Villarroel at mga anak nilang sina Mavy at Cassy Legaspi, kapatid na si Brandon Legaspi, at inang si Hershey Legaspi.
Ayon kay Zoren, matagal nang may imbitasyon ang kanyang pamangkin na bumisita sa bahay nito sa Alabang, Muntinlupa City.
“Matagal na kaming ini-invite ni Dani sa place niya and for some reason, nane-neglect ko yung invitation na yon. It’s really my fault.
“And then one day, sabi ko, ‘Hon [Carmina], punta na nga tayo.'
"Kasi si Maverick, makulit din. Kasi, we’re always in Alabang kapag may gatherings ng mga kaibigan.
"E, nandun din naman yung bahay ni Dani. Hindi kami nadadaan.
"And then, one day, sabi ko, 'Let’s just go.' And yung kambal, mabilis yan, e. ‘Sige, ako na bahala, magte-text ako kay Dani.'
"So, yon, tinext niya,” kuwento ni Zoren sa panayam niya sa Fast Talk With Boy Abunda ngayong Miyerkules, Agosto 12, 2026.
Hindi nila kasamang nagpunta sa bahay ni Dani ang ama nitong si Kier Legaspi.
Ayon kay Zoren, nanonood noon ng tennis game ni Alex Eala ang kanyang kapatid.
Read: Dani Barretto hosts Legaspi family in her home; where is Kier?
ZOREN LEGASPI REACTS TO DANI BARRETTO'S APPRECIATION POST
Sa appreciation post ni Dani, sinabi nito: “If you had told me years ago that one day I’d be welcoming my Legaspi family into my own home, I would’ve never realized just how healing this moment would feel.
“There was a time when this was just a quiet prayer in my heart, to be able to show my gratitude to the people who carried me through one of the hardest times of my life.”
View this post on Instagram
Ikinagulat daw ni Zoren ang social media post ni Dani dahil hindi niya alam na malalim para sa kanyang pamangkin ang kahulugan ng kanilang pagdalaw.
“Nagulat ako sa post niya because I didn’t know it will mean much to her.
"Ganoon ka-deep pala yung meaning nung pagpunta namin. I didn’t know,” reaksiyon ni Zoren.
Tinanong ni Boy Abunda kung kumusta ang relasyon nina Dani at Kier sa isa't isa.
Sagot niya: “Ahh… I’m not sure. Basta kami, okay naman kami in totality... yeah.”
Hindi kaila sa marami na may tampuhan sa pagitan ng mag-ama.
ZOREN LEGASPI ON BB GANDANGHARI
Napag-uusapan ba nila ni Carmina si BB Gandanghari, dating asawa ng aktres noong kilala pa ito bilang Rustom Padilla?
Sagot ni Zoren: “Very seldom, not unless nag-pop up yung mga whatever.
"But at the end of the day, honestly, hindi ko alam yung history nila. I never ask.
“Because if you’re unhappy with your past, bakit ko ipapakuwento sa yo yung malungkot mong karanasan?”
Read: Charo Santos-Concio on ABS-CBN's challenges, embracing social media, politics