Ngayong Biyernes, Agosto 14, 2026, ang ika-32 kaarawan ni Marco Gumabao.
Ipagdiriwang ng Viva actor ang kanyang kaarawan sa Thailand, pagkatapos ng kanyang partisipasyon sa HYROX Bangkok na ginaganap sa Queen Sirikit Convention Center, Bangkok, mula Agosto 13. Matatapos ito sa Agosto 16.
Ang birthday wish ni Marco? Maabot ang kanyang ideal time sa HYROX Thailand.
Ang HYROX ay pinagsama-samang functional workouts at endurance running: may walong 1-kilometrong takbo na sinusundan ng walong workout stations, kabilang ang pagtulak at paghila ng sled, burpee broad jumps, rowing, wall balls, farmer’s carries, at sandbag lunges.
Pagbabahagi ni Marco sa Cabinet Files bago siya lumipad sa Thailand: “Mahirap manalo sa HYROX kasi marami ang malalakas, pero gusto ko maabot yung time ko.
"Ang goal ko is sub-70 so below one hour and ten minutes."
Kasama raw ni Marco na magdiriwang ng kanyang kaarawan sa Bangkok ang mga kabigan niya.
“Marami akong mga kaibigan na pupunta sa Bangkok so magse-celebrate kami after ng race,” aniya.
Read: Marco Gumabao ventures into pickleball business with friends
SAME COMEPTITION WITH DAVID LICAUCO
Ang HYROX Bangkok ang ikatlong pagkakataong pagsali ni Marco sa isang international competition na sinalihan din ni David Licauco.
Saad ni Marco: “Magkakasama kami ni David. Magkausap kami ni David sa gym. And si David, ang lakas mag-HYROX.
“Ang dami nang artista ang nagha-Hyrox. It’s good kasi ngayon hindi na uso ‘yung uminom, lumabas, magpuyat.
"Everyone is into healthy lifestyle right now and I’m all for it."
Kung maabot ang goal time na sub-70 ang pinakaaasam ni Marco sa pagsali nito sa HYROX Bangkok, ang mabawi ang record na dating pinanghahawakan naman ang misyon ni David.
Sabi ni David sa hiwalay na panayam: “At the start, ang goal ko lang magpakundisyon.
"And then, as I was doing it, I realized parang masaya pala na mag-compete.
"So nag-compete ako, na-addict ako.
“The goal is to qualify sa world championship ng HYROX. Hopefully, maging part siya ng SEA Games and I get to represent the Philippines.
“Right now kasi, I think No. 2 ako sa Philippines. Na-beat ni Gab Rosario yung record ko.
"So, ang goal ko this time is to beat his record so maglalaban kami doon [HYROX Bangkok]."
Hindi lamang sina Marco at David ang mga artista na sumali sa HYROX Bangkok dahil lumahok din ang Thai superstar na si Nadech Kugimiya.
Read: David Licauco aims for podium finish at HYROX competitions