Bilang dating beauty queen at kasalukuyang law student, hiningi ng Cabinet Files ang opinyon ng VMX star at VMX Tapes host na si Shannon Sizon tungkol sa diumano’y ex-beauty queen at mga kababaihang Russian na biktima ng human trafficking.
Nailigtas ang mga kababaihang ito ng mga ahente ng National Bureau of Investigation (NBI) sa anti-human trafficking operation na isinagawa sa isang hotel sa Makati City noong Agosto 13, 2026.
Hindi binanggit ng NBI ang pangalan ng ex-beauty queen, ngunit isang beteranong kolumnista ang naglabas ng impormasyong nanalo raw ng korona at titulo sa isang beauty pageant ang babae.
Kalakip nito ang larawan umano ng sinasabi niyang beauty queen.
Makalipas ang ilang araw, binawi ng kolumnista ang balitang ibinahagi dahil nagkamali umano ang report sa kanya ng informant niya.
Bukod pa rito ay mali rin ang pagkakakilanlan ng babae sa larawang ibinahagi niya.
Read: Heroes star Hayden Panettiere dies at 36
SHANNON SIZON REACTS
Nasubaybayan daw ni Shannon ang isyu dahil lumilitaw ito sa kanyang social media feed.
Nagpahayag siya ng pagkadismaya dahil may mga nadaman na inosenteng tao.
Saad niya sa Cabinet Files: “Nakikita ko siya in Facebook, other social media platforms.
"It’s very sad kasi nga when you post something especially if you try to post a picture of someone, we have to double check the facts.
“Kailangan alam natin kung totoo ba yung sinasabi natin kasi it could be libelous. Kawawa naman yung tao.
“Of course, lahat tayo may pangalan, lahat tayo may pagkatao. And with this, I hope that it could be corrected and mag-sorry.
"I mean, i-acknowledge yung mistake na nagawa."
Dagdag pa ni Shannon: “It’s very true na may ganoon naman isyu, pero that photo, that person, are we hundred percent sure that yun ba yon?
"So, I think everyone has the responsibility to double-check, to check facts about it.”
Nakausap ng Cabinet Files si Shannon sa media conference para sa VMX Tapes na nangyari nitong Lunes, Agosto 17, 2026.
UNBOTHERED BEAUTY QUEEN
Samantala, hindi pa naglalabas ng pahayag ang ex-beauty queen na biktima ng malisyosong Facebook post.
Pero makikita ang mga hindi direktang sagot niya sa mga nag-iiwan ng komento sa kanyang social media page.
Tila unbothered ang ex-beauty queen na pahiwatig na walang katotohanan ang pagdadawit sa kanya sa pinag-uusapang isyu.
Read: Cinemalaya 2026: Pokwang and Ruby Ruiz tie for Best Actress, Martin del Rosario wins Best Actor