Naganap ang story conference para sa Philippine adaptation ng Pee Mak sa boardroom ng Viva Entertainment office nitong Martes ng gabi, Agosto 18, 2026.
Ang Pee Mak ay ang 2013 Thai hit horror-comedy movie na pinangunahan ng Thai actor na si Mario Maurer.
Dumalo sa story conference ng Pee Mak sina Wilbert Ross, Bea Binene, Vandolph Quizon, TJ Valderama, Jairus Aquino, at ang Cup of Joe vocalist na si Gian Bernardino.
Ang direktor ng Pee Mak na si Victor Villanueva ang nagpaliwanag tungkol sa mga karakter na gagampanan ng mga artista ng pelikula.
Read: Wilbert Ross, Bea Binene’s Pee Mak look sparks buzz online
WILBERT ROSS ADMITS PRESSURE
Hindi itinanggi ni Wilbert ang nararamdamang pressure sa kanyang pagbibida sa Pee Mak dahil alam niyang blockbuster noon ang pelikula ni Mario.
Saad niya: “Definitely may pressure po talaga since meron na siyang specific na naabot talaga.
"Pero kahit may pressure, gusto pa rin namin i-enjoy yung mismong paggawa ng movie at talagang gawin ang best namin.
“Ilagay ang flavor namin as actors at mismo yung pagiging Pinoy na lumabas talaga dito sa Philippine adaptation ng Pee Mak na kapag napanood ng mga kapwa Pinoy, parang makaka-relate sila.”
BEA BINENE HOPES FOR INTERNATIONAL RELEASE
Umaasa naman si Bea na tulad ng original version ng Pee Mak, mabibigyan ng pagkakataon ang Philippine adaptation ng pelikula na maipalabas sa mga sinehan sa iba’t ibang bansa.
“We hope na if magkaroon ng opportunity, if ganoon yung gustong trajectory ng Viva, it would be an honor.
“We can only do so much, basta kami po, rest assured na isa po itong proyekto na lahat ay nagbigay ng effort, ng teamwork, ng pagmamahal sa craft.
"I think yun lang po yung puwede namin magawa kesa ma-overwhelm kami sa pressure at expectations ng mga tao.
“I think we have to give it to the fans and everyone. Nasa kanila po kung isu-support nila.
"At kung isu-support nila, we would be very much grateful, kasi we’re sure that we will do our best na isa po itong proyekto na pinaghandaan at gagawin namin ang lahat para ito ay maging isang proyekto na magiging proud ang bawat Pilipino.”
Read: Cinemalaya 2026: Pokwang and Ruby Ruiz tie for Best Actress, Martin del Rosario wins Best Actor
GIAN BERNARDINO'S FIRST ACTING PROJECT IN VIVA
Nagkaroon na si Gian ng karanasan sa pag-arte pero ang Pee Mak ang kauna-unahang proyekto niya bilang aktor sa kanyang home studio.
“I had acting experiences, pero first time sa Viva Films,” sabi ni Gian.
“Kinabahan po kasi siyempre nakakakaba po na mga veteran na yung mga kasama ko.
"Mga experienced, seasoned, talagang sobrang huhusay na mga aktor and sobrang thankful po ako na makasama sa ganitong klaseng ensemble.
“Very welcoming naman po ang energy nilang lahat and hindi ko po na-feel na baguhan ako.”
Naniniwala si Gian na perfect project ang Pee Mak para sa kanya.
Aniya, “Sa online world, nakilala ako sa comedic humor vibes, so magandang start ito and napakagaling din ng direktor.”