Pinay businesswoman helps track down Chanda Atienza in Malaysia

Ayon sa beauty queen at social media influencer na si Lars Pacheco, na nakausap ng Cabinet Files nitong Linggo ng umaga, Agosto 23, 2026, may kaugnayan sa passport status nina Atienza at Vilma ang kanilang pagkakaditine.

“They are detained because of the cancellation of their passport in the system,” saad niya.

Si Lars ang tumulong kay Singson at kasama nitong lumipad patungong Kuala Lumpur noong Agosto 18 para sa entrapment operation ng Royal Malaysia Police laban kay Atienza.

Read: Chanda Atienza arrested in Kuala Lumpur, Lars Pacheco confirms

HOW ATIENZA ALLEGEDLY VICTIMIZED SINGSON

Ibinahagi ni Lars ang umano’y dahilan kung bakit naging biktima ni Atienza si Singson.

“They [Atienza and her sister] owe her money for financing supposedly for the Baguio and Fairview branch [of a beauty clinic].

"But instead, they offered her [Singson] her own clinic. The construction didn’t happened and a lot of money was wasted.”

Ayon kay Lars, ginagawa nila ni Singson ang lahat upang mapauwi sa Pilipinas si Atienza, na nahaharap sa mga kasong isinampa ng mga taong umano’y nagtiwala sa kanya at nagbigay ng malalaking halaga ng pera.

Sa video na ibinahagi ni Lars, mismong si Singson ang nagkuwento tungkol sa umano’y pagkakadawit niya sa investment scheme.

Aniya: “Naloko nila ako dahil kinuhanan nila ako ng pera, ni Chanda Atienza, kasama yung kanyang kapatid na si Vi.

“Nakalagay sa contract nila na magpapatayo sila ng clinic sa SM Fairview and SM Baguio na hindi naman natuloy.

“Pero nung nalaman ko ang kuwento ng pangloloko na yan na ginawa nitong mga ito, kakaiba na.

"Iba na yung naging urge na gusto kong tumulong, lalung-lalo na nung mabalitaan ko na may nagpakamatay dahil sa ginawa nila. Tapos may mga inatake sa puso, witness ako diyan.”

Read: Derek Ramsay on controversy involving his luxury car: "I'm not a smuggler"

SINGSON ON HELPING ARREST ATIENZA

Emosyonal na ipinaliwanag ni Singson kung bakit pinili niyang tumulong sa paghahanap at pagpapahuli kay Atienza.

Saad niya: “Yun ang hindi ko kayang matanggap kaya kahit talagang nagsakripisyo ako, pera, pamilya ko nahirapan dahil hindi nila ako halos nakikita.

“Kaya kayong mga nabiktima ng scheme na ito, huwag kayong mawalan ng pag-asa dahil naniniwala ako, ang ating Philippine government, Malaysian government, nakiki-cooperate sila sa atin para maibalik yang dalawang tinatawag na Reyna ng Scam.

“Parang awa ninyo na, kayong mga Pilipino, alam ko na dahil gusto ninyo lang kumita, lalung-lalo na kayong mga OFW, magtanong kayo sa abogado, lumapit kayo, manalangin kayo dahil lagi kayong sasagutin ng Panginoong Diyos.

“Ako, sinagot ako ng Panginoong Diyos. Tinulungan ako ng mga tao na hindi mukhang pera.”

Nagpasalamat din si Singson kay Lars sa suporta at tulong nito sa operasyon na humantong sa pagkakadakip kay Atienza sa Kuala Lumpur.

Samantala, patuloy ang pakikipag-ugnayan para sa posibleng pagbabalik sa Pilipinas nina Atienza at Vilma, na parehong inaresto sa Malaysia.

Read: Dina Bonnevie recalls how she survived after breakup with Vic Sotto