Sina Dennis Trillo at Daniel Padilla ang dalawa sa mga aktor na ginagamit ang kanilang social media platforms upang ipakita ang kanilang pagkabahala sa paulit-ulit na pagbaha at sa kalagayan ng mga Pilipinong naapektuhan nito.
Ngayong Linggo, Agosto 30, 2026, muling pinukaw ng Kapuso actor ang atensiyon ng publiko sa pamamagitan ng kanyang Facebook post tungkol sa mga dapat managot sa problema ng flood control projects.
“Kamusta na kaya yung mga nagnakaw sa mga flood control projects?” tanong ni Dennis, na nilagyan niya ng hashtag na "#neverforget."
Ang post ni Dennis ay kasunod ng nakapanglulumo at malawakang pagbaha na nakaapekto sa maraming Pilipino matapos ang maghapon at magdamag na pag-ulan na nagsimula noong Sabado, Agosto 29.
Maraming lugar sa Central Luzon at Metro Manila ang nakaranas ng matinding pagbaha, habang maraming pamilya ang napinsala, nawalan ng tahanan, at naapektuhan ang kabuhayan.
Read: Filipino doctor missing after Nepal flash flood; family pleads for help
DANIEL PADILLA'S TAKES A SWIPE AT GOVERNMENT LEADERS
Samantala, ginamit naman ni Daniel Padilla ang kanyang Instagram Stories upang magbahagi ng mga video mula sa iba't ibang social media accounts na nagpapakita ng lawak ng pagbaha at pagkawasak ng mga imprastraktura sa maraming lugar.
Kalakip ng mga video ang ilang makahulugang mensahe ng Kapamilya star na nananawagan para sa mas maayos na sistema at pananagutan ng mga lider:
“tinawag tayong resilient para hindi mapahiya yung mga taong may obligasyong ayusin yung sistema."
“We need leaders not in love with money but in love with justice. Not in love with publicity but in love with humanity. — Dr. Martin Luther King Jr."
“wag tayong masanay sa ayuda, libreng sakay at relief goods, we deserve a system that really works. p*t*ngina paulit-ulit na lang!”
Ibinahagi ni Daniel ang mga video bilang paraan daw upang gisingin ang kamalayan ng publiko sa sinapit ng mga Pilipinong naapektuhan ng malawakang pagbaha.
Gayunman, sa kabila ng kanyang magandang intensiyon, nakatanggap pa rin siya ng masasakit na komento mula sa ilang nagduda sa kanyang motibo.
Dahil dito, diretsahan niyang ipinaliwanag ang kanyang paninindigan bilang isang Pilipino.
Sabi ni daniel: “Ginagawa ko lang ang parte ko bilang pilipino para sa pilipinas. Tinawag niyo pa kong delusional. Eh mga g*go pala kayo dyan e.”
