Muling pinatunayan ng Pilipinas ang supremacy nito sa larangan ng beauty pageants nang magkasunod na nanalo ang dalawang kinatawan ng Pilipinas ng international beauty titles nitong Linggo, Agosto 30, 2026.
Si Margarette Briton, 26, ang nanalo sa inaugural edition ng Miss Interglobal 2026 na idinaos sa Bali, Indonesia.
Si Jamie Casiño, 28, naman ang nagwaging Miss Equality World 2026 sa koronasyong naganap sa MGI Hall, Bangkok, Thailand.
MISS INTERGLOBAL 2026
First runner-up sa Miss Interglobal 2026 si Nabila Fenelia ng Indonesia.
Second runner-up si Nicole Missios ng Australia.
Si Dariya Toleukhan ng Kazakhstan ang nanalo sa Mrs. Interglobal 2026 category winner.
Apat na special awards ang ipinagkaloob kay Margarette sa Miss Interglobal 2026: Star Connect Award, Social Impact Award, Dinner Dress Award, at National Costume Excellence Award.
Read: IN FOCUS: Jojo Bragais fills big shoes in Philippine pageantry
View this post on Instagram
MISS EQUALITY WORLD 2026
Ang Miss Equality ang international beauty pageant para sa mga transgender woman na nag-umpisa sa Bali, Indonesia, noong 2022
“Gender equality at human rights” ang mga adbokasiya na isinusulong ng Miss Equality World.
Si Jamie Casiño ang kauna-unahang Pilipino na nagwagi ng nabanggit na korona at titulo.
Labintatlo ang bilang ng mga opisyal na kandidata ng Miss Equality World 2026.
Kung hindi pa nanalo si Jamie, hindi malalaman ng mga Pilipino na may ganoong uri ng patimpalak-kagandahan maliban sa Miss International Queen.
View this post on Instagram
First runner-up sa Miss Equality World 2026 si Allana Cordero ng Mexico at second runner-up si Vi Ai Giang ng Vietnam.
Bukod sa korona ng Miss Equality World 2026, si Jamie ang tumanggap ng The Voice of Equality award.
Ipinamalas ni Jamie ang taglay na katalinuhan sa kanyang winning answer sa tanong na: “If you had to choose between strengthening anti-discrimination laws and investing directly in economic opportunities for transgender communities, which would you prioritize and why?"
Sagot niya: “As a trans advocate, I would prioritize making gender-affirming care accessible to everyone because I do believe that if we give this gender-affirming care for transwomen, then we would be able to save lives, just like how we queens here do advocate for trans people.
“I am more than ready to be the voice of equality, and to work with the Miss Equality World Organization and remind trans people that they are not alone so come join with me.
"Let’s save lives together for a better tomorrow.”
Read: Justus Kelley makes history as first married mom to win Miss USA