Malaki ang posibilidad na magkaroon ng mga acting nomination si Barbie Forteza sa award-giving bodies dahil sa kanyang mahusay na pagganap sa pelikulang Saving Cherry.
Muling pinatunayan ni Barbie na isa siya sa pinakamagaling na aktres ng kanyang henerasyon dahil nabigyan niya ng hustisya ang karakter ni Cherry, ang babaeng pinagtaksilan ng asawa sa unang gabi ng kanilang kasal at pagsasama.
Hindi nagkamali ang Regal Entertainment, Inc. producer na si Roselle Monteverde na ipagkatiwala kay Barbie ang papel ni Cherry.
Si Khalil Ramos ang gumanap na mister ni Barbie, at ipinakita rin niya ang kanyang natural na talento sa pag-arte.
Mahuhusay rin sina Mika Salamanca, Sassa Gurl, AC Bonifacio, at Mikee Quintos na gumanap na mga kaibigan ni Barbie sa Saving Cherry.
Riot ang mga nakakatawang eksena kaya napuno ng malakas na halakhakan ang loob ng Cinema 11 ng Gateway 2 Cinema, kung saan ginanap ang red-carpet premiere ng pelikula nitong Martes ng gabi, Setyembre 1, 2026.
Read: Governor Lilia Pineda apologizes over designer outfits worn during Pampanga flood response
ALDEN RICHARDS ALL PRAISES FOR BARBIE FORTEZA
Isa si Alden Richards sa mga dumalo sa red-carpet premiere ng Saving Cherry bilang suporta niya kay Barbie.
Sabi ng Kapuso actor tungkol kay Barbie:“ She’s one of the actresses that I look up to in the industry na halos ka-generation ko, because she never fails us to make us see a different side of her in every project that she does.
“So, dito sa Saving Cherry, kita ko na naman yung bagong range niya.
"Like, there are certain scenes na puwede mo siyang i-take nang linear when it comes to acting, how the lines would go.
"Binigyan niya talaga ako ng fluctuation so wala talaga akong masabi kay Barbie.”
IVAN ANDREW PAYAWAL: SAVING CHERRY NEEDS TO BE SHOWN ON THE BIG SCREEN
Si Ivan Andrew Payawal ang direktor at isa sa sumulat ng kuwento ng Saving Cherry, na isang must-watch movie.
Mensahe niya bago magsimula ang screening: “This wouldn’t be possible without Regal Entertainment, Roselle and Sir Keith [Monteverde].
"Thank you for giving this story a chance. Thank you for seeing me and the story, why it needs to be shown on the big screen.
"People say that comedies, pang-streaming na lang yan. But I’d like to believe all stories deserve to be shown on the big screen.
“In the cinemas, we can laugh and cry together with strangers, absorbing each other's energy.
"We are forgetting that in the cinemas, there is magic. There’s a sense of community and I was so grateful that I get to have this opportunity.”
Matapos ang screening ay tumanggap ito ng malakas na palakpakan dahil naaliw at nagustuhan ng karamihan ng mga nanood ang bagong proyekto niya.
Mapapanood ang Saving Cherry sa mga sinehan simula sa Miyerkoles, Setyembre 2.