Noon, simpleng dagdag na linya lang sa mga kantang inaawit niya bilang miyembro ng all-girl group na P-Pop Generation ang pangarap ng Viva artist na si Angela Muji.
Hindi niya inakalang darating ang panahon na hindi lamang siya magkakaroon ng mas maraming bahagi sa isang kanta, kundi magiging solo recording artist pa.
Kuwento niya, malaking hakbang para sa kanya ang magkaroon ng sariling kanta matapos ang kanyang karanasan bilang miyembro ng P-Pop Generation.
Saad ni Angela: “In a group po kasi, you share your parts.
"So, nung time na yon, I was really hungry for parts of songs.
"Minsan isang linya lang, you would request, ‘Baka puwede po dagdagan yung linya ko para naman makakanta po ako ng a bit more?’
“Tapos singing the entire song as a solo artist, parang it’s a huge jump. And I’m so grateful na nabigyan po ako ng chance na maging solo artist.
"Kasi after po mag-disband yung P-Pop group namin, I never thought I would be able to sing or dance ever again. Mag-a-acting na lang po ako.
"And then, eventually, pinakanta po ako ng OST ng mga project namin.
"Sobrang grateful po ako na nabigyan ako ng chance na ganito kasi dati pinapangarap ko lang po na madagdagan yung lines ko sa P-Pop group, tapos ngayon I have one, a solo song for myself,.
Nakausap si Angela ng mga miyembro ng entertainment media, kabilang ang Cabinet Files, nitong Miyerkules, Setyembre 9, 2026.
Read: Kim Chiu's sister Lakam charged in PHP44.4M qualified theft case
ANGELA MUJI’S MUSICAL INFLUENCES
“Is It Over” ang pamagat ng debut single ni Angela.
Excited si Angela sa mga susunod na hakbang para sa kanyang singing career.
Ayon sa kanya, nakaplano na ang pag-explore pa sa kanyang musicality matapos ang kanyang debut single.
“We are planning to explore my musicality more," sambit niya.
"Excited na po ako because I had a meeting with Ivory Records and we were talking about some of the possible songs I’ll be recording, so I’m very excited about that.
“Ang peg ko po talaga for singing si Ms.Nadine Lustre, so yun po ang sinabi ko po.
"I want songs like 'Paligoy-ligoy' and even 'Kakaibabe' from Miss Donnalyn Bartolome kinda like of that genre.
“Siguro occasionally, some ballad such as this one, 'Is It Over?'”
Bukod kina Nadine Lustre at Donnalyn Bartolome, sinabi rin ni Angela na si Sarah Geronimo ang isa sa mga hinahangaan niya noong bata pa siya.
ANGELA MUJI NOT REALLY A SINGER
Aminado si Angela na hindi niya itinuturing ang sarili bilang isang singer noon.
Gayunman, nagkaroon siya ng musical background bilang miyembro ng choir sa kanilang paaralan at kalaunan ay sumailalim sa P-Pop training.
Lahad niya. “Hindi naman po talaga ako singer. May makikita lang po akong kakanta sa TV, gagayahin ko lang.
"And yung number one ko po talagang idol nung bata ako, si Miss Sarah Geronimo.
“Nag-choir po ako nung Grade 1 ako hanggang Grade 5. After that, I had no other formal training aside from P-Pop training namin, which is bihira lang din po.
“Forty-five members po kami so not everyone gets to sing. Meron pong chorus, meron lang assigned singers.
"And then kami, sa live na lang po kami kakanta."
Dahil dito, mas naging espesyal daw para kay Angela ang pagkakataong magkaroon ng sariling recording project.
Read: Patrick Garcia's daughter Michelle undergoes K-pop training by SM Entertainment
CRISANTO PEREZ: DIRECTOR AND COMPOSER
Ang “Is It Over” ay isinulat ni Crisanto Aquino, ang direktor ng Dating Alys Perez, kung saan gumanap sa title role si Angela.
Para kay Direk Crisanto, naging inspirasyon sa pagsulat ng kanta ang karakter ni Angela sa proyekto.
Ibinahagi rin ng direktor na matagal na siyang mahilig magsulat ng poetry.
“Mahilig talaga akong magsulat ng poetry even nung high school kaya madali akong makabuo ng rhyme sa mga lyric, sa mga song,” sabi niya.
Ang unang kanta naman na isinulat niya ay ang “Ikaw Ay Akin,” na naging theme song ng pelikulang Write About Love at inawit ni Yeng Constantino.
Nanalo itong best theme song sa Metro Manila Film Festival 2019.
Ipinaliwanag din ni Direk Crisanto kung bakit si Angela ang napili niyang kumanta ng “Is It Over.”
“Yun ang una. Di ba, after Yeng, Angela Muji? As Alys na siya, e.
"Kapag kinanta niya yon, saka siya mismo yung actor ko.
"Magaling siyang kumanta. Hindi ko na kailangang lumayo.
"Saka para mas maibigay niya yung emosyon kasi nga POV yon ni Alys.”