Mala-teleseryeng sinusubaybayan ng maraming Pilipino ang kaso ng pagdakip kay dating House Speaker Martin Romualdez.
Ipinaaraesto ng Third Division ng Sandiganbayan si Romualdez noong Lunes, Setyembre 7, 2026, dahil sa pagkakasangkot niya sa PHP7.4 billion na anomalya sa mga proyekto sa flood control.
Dinakip ang pinsang buo ni President Ferdinand Marcos Jr. habang nakaratay sa Cardinal Santos Medical Center, San Juan City.
Gumawa ng ingay ang mugshot ni Romualdez na ibinahagi ng Philippine National Police dahil nakahiga siya sa hospital bed nang kunan ng litrato.
Ipinatong din lamang sa dibdib niya ang orange CIDG T-shirt na ipinasusuot sa mga akusado.
Read: Martin Romualdez’s unusual hospital mugshot revealed
"UNUSUAL" INCIDENT
Tulad ng isang teleserye, nagkaroon ng twist ang kuwento ng confinement ni Romualdez sa ospital dahil sa testimonya ni Dr. Kurt Allen Sibayan, ang admitting physician ng Cardinal Santos Medical Center noong Setyembre 7.
Sa pagdinig ng Third Division ng Sandiganbayan tungkol sa kundisyon ni Romualdez nitong Huwebes, Setyembre 10, nagsumite ng mosyon si Dr. Sibayan na manatili si Romualdez sa Cardinal Santos Medical Center.
Ayon kay Dr. Sibayan, hindi siya pinayagang isailalim sa medical examination si Romualdez nang dumating ito sa ospital para magpa-confine dahil sa paninikip umano ng dibdib nito.
Inilahad ni Dr. Sibayan na hindi dumaan sa emergency room ng pagamutan si Romualdez dahil dumiretso ito sa kuwarto ng ospital, na isa umanong “unusual “ na pangyayari.
Sinabi rin niyang hindi isang emergency case ang mga kasalukuyang karamdaman ni Romualdez, pero “high risk” ito sa pagkakaroon ng atake sa puso.
"We were advised that we were not allowed inside the patient's room," pahayag ni Dr. Sibayan.
Ayon pa kay Dr. Sibayan, nanggaling umano ang instruction mula kina Dr. Rody Sy at Dr. Rosalio Torres, ang mga attending physician ni Romualdez.
ROMUALDEZ TO BE TRANSFERRED TO BJMP
Ngayong Huwebes, naglabas ng Order of Commitment ang Third Division ng Sandiganbayan para ilipat si Romualdez sa kustodiya ng Bureau of Jail Management and Penology (BJMP).
Nakasaad sa Commitment Order: “Pursuant to the court’s Resolution and Warrant of Arrest both dated September 7, 2026, and issued on even date, We hereby COMMIT to you the living person of accused Ferdinand Marty Gomez Romualdez, who is charged in the aforesaid case for the crime of PLUNDER, to be HELD therein as a detention prisoner and as such, the accused shall not be moved, removed, transferred and/or otherwise be released therefrom unless ordered by the court.
“The arraignment and pre-trial of accused Romualdez is scheduled on September 14, 2026 at 8:30 o’clock in the morning.”
Sa panayam ng media kay Criminal Investigation and Detection Group-NCR Chief Col. John Guiagui, kinumpirma nitong mula sa kanilang pangangalaga, ililipat na ang kustodiya ni Romualdez sa BJMP dahil ito ang ipinag-utos ng Third Division ng Sandiganbayan.