Sinagot at winakasan nina Maui Taylor, Katya Santos, at Andrea del Rosario ang kontrobersyal na isyu na, diumano, hiniling nila sa management ng Viva Entertainment na huwag ipagamit ang salitang "Hot Babes" sa VMX girls.
Ito raw ang dahilan kaya mula sa VMX Hot Babes, VMX Babes na lamang ang pangalan ng grupo na umawit sa kantang “Jugjog.”
Sa panayam nila sa Fast Talk with Boy Abunda nitong Huwebes, Setyembre 10, 2026, naging matapat sina Maui, Katya, at Andrea sa pagsagot nang itanong sa kanila ang usapin.
Paliwanag ni Andrea: “Na-raise yung topic kasi parang may usap-usapan na ganoon. I mean, siyempre, we have nothing against it.
“It’s just that malapit sa puso namin yung name na yon that we actually asked the management if we could keep it.
"It’s really what we felt. We’ve been identified to that name for years.”
Ayon naman kay Maui, “We were actually emotional when we heard that there was a new one.”
Uminit ang isyu dahil sa "I think we’re better" na pahayag ng VMX Babes member na si Zsara Laxamana nang tanungin ito sa isang press conference tungkol sa kaibahan ng kanilang grupo sa Viva Hot Babes.
Pagpapatuloy ni Maui, “Siguro naman po, hindi kami tatagal ng 23 years kung wala naman po kaming naitanim at ipinakitang talent.”
Nang hingan naman ng mensahe para sa VMX Babes, sabi ni Katya, “Good luck and see you after twenty years."
Natawa sina Maui at Andrea sa binitiwang salita ni Katya.
Magaganap ang reunion concert ng Viva Hot Babes, ang Bulaklak, sa New Frontier Theater sa Oktubre 23, 2026.
Read: Viva Hot Babes react to VMX Babes’ “We’re better” remark
VIVA HOT BABES ON COMPARISON WITH SEXBOMB GIRLS
Hiningi rin ni Boy Abunda ang opinyon nina Maui, Katya, at Andrea tungkol sa pagkukumpara sa grupo nila at sa SexBomb Girls.
Unang nagkaroon ng reunion show ang SexBomb Girls sa Araneta Coliseum noong Disyembre 2025. Umabot ito hanggang Round Six.
Si Katya ang sumagot sa intrigang hindi nila malalampasan ang tagumpay ng SexBomb Girls.
Aniya: “Hindi naman lalagpasan. I think there’s no competition kasi magkakaibigan kami.
"We just want to clear things kasi yung fans ang nagbibigay ng meaning, pero we don’t want to compete.
"Kung ano yung narating nila, kami naman, this reunion is not about kung mas successful sila o kami.”
Bilang patunay na walang isyu sa pagitan ng Viva Hot Babes at SexBomb Girls, ikinuwento ni Andrea na nakatanggap sila ng imbitasyon mula kay Rochelle.
Inimbitahan din daw nila ang SexBomb sa kanilang reunion concert.
Kuwento ni Andrea: “We did invite them and they did invite us .
"Tinawagan ako ni Sheree one time, ‘Andrea, Rochelle [Pangilinan] called. Gusto niya tayo mag-guest.’
“Yun ang sinabi niya. And then, busy ito [Katya and Maui], hindi nabuo.
"Naiintindihan ko naman sila. We would like to be complete also, hindi lang natuloy.”
Read: Dustin Yu breaks silence on resurfaced 2021 Twitter exchange with adult content creator