Isang touching gesture ang ginawa ni Aga Muhlach sa cast reveal at story conference ng 2nd Miracle in Cell No. 7 nitong Biyernes ng hapon, Setyembre 11, 2026.
Tumayo si Aga mula sa kanyang kinauupuan, pagkatapos ay tinabihan at inakbayan niya ang co-star na si Jansen Magpusao, 22, nang tanungin ang young actor tungkol sa magiging partisipasyon niya sa pelikula.
Si Jansen ang dating child actor na nagbida sa critically acclaimed at award-winning indie movie na John Denver Trending.
Labinlimang taon lamang si Jansen at halos walang karanasan sa pag-arte nang gawin niya ang pelikula na nagbigay sa kanya ng best actor awards mula sa 2019 Cinemalaya Independent Film Festival at Luna Awards.
Ang 2nd Miracle in Cell No.7 ang kauna-unahang mainstream movie project ni Jansen.
Tinanong ng Cabinet Files si Jansen kung ano ang kanyang pakiramdam nang tumayo at akbayan siya ng sikat na aktor.
Saad niya: “I am happy lang na naniniwala po si Sir Aga sa akin, at tinutulungan niya talaga ako para mas mawala yung kaba ko kapag magkasama kami.
"Kasi kailangan na mas maging natural kaming dalawa, yung dynamics naming dalawa sa pelikula kapag nag-start na yung shoot. Thankful po ako."
Read: Aga Muhlach finally gets to work with Jodi Sta. Maria: "I wanted her."
JANSEN MAGPUSAO ON JOINING THE CAST OF 2ND MIRACLE IN CELL NO. 7
Paano siya nakasama sa cast ng 2nd Miracle in Cell No.7?
Sagot ni Jansen: “Sinabi lang po sa akin ng manager ko na si Miss Mel at si Direk Nuel yung pumili so I am so happy lang po.
“Maraming salamt po kay Miss Mel at kay Direk sa tiwala para maging part ako dito sa pelikula.
"Kasi I am very excited to be a part of this film kasi nagpaiyak din ito sa akin nung pinanood ko.
"So, medyo kinakabahan ako kasi medyo veteran actors yung makakasama ko. Pero more than that, I am excited.”
Ang 2nd Miracle in Cell No.7 ay ididirek ni Nuel Naval at mula sa panulat ni Mel del Rosario.
Natawa si Aga nang ikuwento nito ang unang pagtatagpo nila ni Jansen sa workshop para sa kanilang proyekto na opisyal na kalahok sa MMFF 2026.
Lahad niya: “Sabi niya sa akin nung nagwo-workshop kami, 'Sir, puwede po bang maging komportable lang po ako sa inyo?’ 'Huwag mo akong tawaging Sir!'
“Pero mahusay ito and excited din ako kasi kapag may bago sa industriya, may bago sa pelikula.
“Gustung-gusto ko silang makasama para makita nila na pare-pareho lang tayo.
“Walang sikat dito, walang mayaman, walang mahirap. Lahat tayo, pantay-pantay lang.
"Naghahanap-buhay, gagawa ng magandang pelikula para sa manonood.”
Read: The Bachelorette alum seeks NBI help over mother’s death after an alleged cosmetic surgery