Naiiba ang VMX star na si Julianne Richards, 22, dahil mas pipiliin nito na gumanap sila na magkapatid ni Alden Richards sa isang proyekto kesa maging leading man niya ang Kapuso actor.
Madalas din na tinatanong si Julianne kung magkamag-anak sila ni Alden dahil sa kanilang magkapareho na apelyido.
Pero iginiit niya na Richards ang kanyang tunay na family name samantalang screen name lamang ang ginagamit ng aktor. Richard Faulkerson Jr. ang tunay na pangalan ni Alden.
“I was asked several times kung kamag-anak ko po si Alden. I found out na screen name lang ang Alden Richards,” ani Julianne.
Madalas siyang ikinukumpara kay KC Concepcion dahil may hawig sila sa isa’t isa.
Read: Carlos Yulo prefers not to invite parents on wedding to Chloe
JULIANNE RICHARDS BACKGROUND
May German, Italian, Australian, at Filipino blood si Julianne na kinoronahan na Miss Teen Australiasia noong 2016 at hinirang na 2017 Miss Tourism World Australia bago nabuo ang kanyang pasya na umuwi sa Pilipinas para subukan ang kapalaran niya sa entertainment industry.
Sa edad na labing-tatlo at bago nagkaroon ng coronavirus pandemic noong 2020, nagpunta si Julianne sa Pilipinas.
"I was born and raised in Sydney. Before the pandemic, nag-try na rin po sa showbiz. Nag-talent at nag-audition ako.
"I auditioned for Pinoy Big Brother, ilang beses po ‘yon.
"Nag-extra po ako noon sa Home Sweetie Home, Wansapanataym. I was super young then, I was 13 years old,” lahad ni Julianne.
Read: Claudine Barretto reveals she and Mon Tulfo buried the hatchet
ON BEING A VMX STAR
Inamin niyang nagdalawang-isip siya nang matanggap ang alok para maging contract star ng VMX.
"Nung una, I was very hesitant kasi I grew up in a very conservative family so it was a very hard decision.
"Pinag-isipan ko po talaga. My mom was very hesitant din po but after reflecting, I told her, ‘Mom, kailangan ko po mag-sacrifice in order to get my foot into the door.’”
Mula nang pumirma siya ng kontrata sa VMX, nagkasunud-sunod na ang mga proyekto ni Julianne, kabilang ang Pinay Kamasutra 3 na isang bagong hamon sa kanya dahil siya ang host ng nabanggit na VMX special.