Si Ai-Ai delas Alas ang special guest co-host sa pilot telecast ng Kalurks!, ang bagong showbiz-oriented talk show ng GTV, ngayong Linggo ng gabi, Setyembre 13, 2026.
Sina DJ Jhai Ho, Ashley Rivera, at Baus Rufo ang mga host ng Kalurks!, kung saan tatalakayin nila ang trending news sa showbiz at social media.
Nag-trend noong nakaraang linggo ang balita tungkol sa pagpapakasal sa Amerika ng ex-husband ni Ai-Ai na si Gerald Sibayan.
Pero inimbitahan ang Comedy Queen na maging special guest co-host ng Kalurks! ilang linggo bago pa man nagpakasal sa ibang babae ang dating asawa niya.
Nagkataon lamang na kumalat ang balitang muling nagpakasal si Gerald, dalawang araw bago ang espesyal na partisipasyon ni Ai-Ai sa Kalurks!.
May mga bagong pahayag si Ai-Ai sa Kalurks! tungkol kay Gerald, at may payo rin siya sa babaeng pinakasalan ng kanyang ex-husband.
Read: Ai-Ai delas Alas reacts to ex-husband Gerald Sibayan's remarriage
OTHER FEATURED STORIEN IN KALURKS!
Pag-uusapan din sa Kalurks! ang masalimuot at malungkot na balita tungkol sa pagsasampa ni Kim Chiu ng kaso laban sa kanyang kapatid na si Lakam.
Samantala, magkukuwento ang South Korean actor na si Ji Soo tungkol sa bagong proyekto niya, ang Love Siargao, na pinagbibidahan nina Alden Richards at Nadine Lustre.
Read: Kim Chiu's sister Lakam charged in PHP44.4M qualified theft case
CHIKA KART: SHOWBIZ TALK SHOW CUM LIVE SELLING
Hindi lamang ang Kalurks! ang bagong showbiz talk show ng GTV.
Simula sa Setyembre 28, 2026, mapapanood sa nabanggit na TV channel ang Chika Kart, mula Lunes hanggang Biyernes, 5:15 P.M.
Mga host ng Chika Kart si Donita Nose, ang former Pinoy Big Brother housemate na si Baninay Bautista, at ang nagbabalik-telebisyon na entertainment writer/reproter na si Jeff Fernando.
Kakaiba ang konsepto ng Chika Kart dahil habang naghahatid ng mga showbiz news ang mga host ng programa, meron silang live selling ng iba’t ibang klase ng mga produkto tulad ng hair shampoo at feminine wash.
Read: Tinglayan LGU calls for respect after unusual tattoo request to Apo Whang-od