Naging international news ang insidenteng kinasangkutan ng Australian HYROX athlete na si Joanna Wietrzyk sa HYROX Beijing, na ginanap mula Setyembre 12 hanggang 13, 2026 sa Beijing, China.
Umani ng matinding batikos si Joanna matapos niyang ipagpatuloy ang kanyang partisipasyon sa kumpetisyon kahit hindi niya nakontrol ang kanyang diarrhea at napadumi habang nasa gitna ng karera.
Sa kabila ng insidente, kinumpleto ni Joanna ang karera at nanguna pa sa women's solo event kung saan siya world-record holder.
Mabilis na kumalat online ang mga video at litrato ng insidente, dahilan para batikusin si Joanna at paratangan ng ilang netizen na salaula at walang konsiderasyon sa kapwa kalahok.
Dahil sa kontrobersiya, naglabas ng magkahiwalay na opisyal na pahayag ang HYROX World at HYROX China tungkol sa insidente.
Read: Marco Gumabao sets new HYROX personal record in Bangkok
HYROX WORLD: "ADDITIONAL CLARITY IS NEEDED"
Sa pahayag ng HYROX World, kinilala nito ang mga komplikadong sitwasyong maaaring harapin ng kanilang mga atleta habang patuloy na umuunlad ang sport.
Saad ng organisasyon: “As our sport continues to evolve we are encountering new and increasingly complex situations that challenge us and where additional clarity is needed.
“This happened this weekend in China. We ask our athletes to push themselves to the highest levels. At times, they will go beyond what even we thought was possible.
“That courage, resilience and refusal to give in are precisely what makes elite athletes so extraordinary. Our role is to give them the right framework and the right boundaries within which they can compete, perform and express themselves at their very best.
“HYROX has clear biocontaminant and medical procedures in place. In this instance, an unforeseen situation arose in which protocols designed for elite competition and mass participation became blurred, creating ambiguity in how they were applied and understood.”
Read: David Licauco emerges as fastest Filipino at HYROX Jakarta 2026
HYROX CHINA: AFFECTED AREA DISINFECTED
Samantala, tiniyak naman ng HYROX China na agad nilang isinara at nilinis ang lugar na naapektuhan ng insidente matapos ang karera ni Joanna.
"After the incident, the organising committee immediately closed off and isolated the affected area and track, and completed comprehensive disinfection.
"Relevant equipment was removed from the venue, and waste was disposed of in accordance with municipal waste-management standards."
SANDRO MUHLACH AND AI-AI DELAS ALAS
Isa sa mga personalidad na lumahok sa HYROX Beijing ang aktor na si Sandro Muhlach.
Dahil dito, nakipag-ugnayan ang Cabinet Files kay Sandro upang hingin ang kanyang panig at opinyon tungkol sa insidente.
Habang isinusulat ang artikulong ito ay hindi pa siya nagbibigay ng pahayag.
Read: Sandro Muhlach legal battle continues as case nears promulgation
Minabuti rin ng Cabinet Files na hingin ang reaksiyon ni Ai-Ai delas Alas, na aktibo rin sa HYROX.
Sumali si Ai-Ai sa Doubles Women Division ng HYROX Hong Kong noong Mayo 2026.
Kasalukuyan siyang naghahanda para sa kanyang pagsali sa HYROX Rome, na nakatakda mula Setyembre 23 hanggang 27, 2026.
Ikinadismaya ni Ai-Ai ang mga litrato ng insidente na kanyang nakita.
Para sa kanya, kung siya ang nakaramdam ng matinding pananakit ng tiyan habang nakikipagkumpitensya, mas pipiliin niyang huminto kaysa ipagpatuloy ang karera.
Saad ni Ai-Ai: “As a fellow HYROX racer, I can understand both sides.
"Since she is the number one elite athlete, I think puwede naman sana siyang bigyan ng consideration na huminto or mag-pause muna, especially since ang issue dito is about human waste and hygiene.
“I think that’s a valid concern, especially for the other racers. Pero at the same time, I also think the organizers should consider the other athletes who paid to race, traveled all the way to that country, and prepared and trained so hard for the event.
“Karapatan din nila na magkaroon ng safe at proper racing environment. For me, hindi naman ito about blaming anyone.
“I just think dapat may consideration for everyone involved—the athlete, the other racers, and the organizers.
“Nakita ko ang pictures ng nangyari sa kanya, ang dami niyang dumi sa braso, may dumi rin sa sandbag at umupo pa siya sa rowing machine.
“Mahirap ang HYROX. Talagang mapapairi ka. Dapat huminto na siya kesa palitan ang mga carpet na dinumihan niya dahil malaking hassle yon sa mga organizer.
“Hopefully, next time, magkaroon ng better way to handle situations like this na hindi makokompromiso ang experience at kaligtasan ng mga kasali.”
Read: Ai-Ai delas Alas finishes Hyrox competition in Hong Kong