Masayang-masaya at malaking karangalan para kay Wilbert Ross ang pagpapahalagang ibinigay ng popular Thai actor na si Mario Maurer sa Philippine adaptation ng blockbuster Thai movie na Pee Mak.
Si Mario ang orihinal na bida ng Thai horror-romance movie na Pee Mak na napanood sa mga sinehan sa Thailand noong Marso 2013 at ipinalabas sa Philippine cinemas noong Agosto 2013.
Tuwang-tuwa si Wilbert dahil personal na inendorso ni Mario ang Philippine adaptation ng Pee Mak na pinagbibidahan nila ni Bea Binene.
Mapapanood ang Pinoy version ng Pee Mak sa mga sinehan simula sa Oktubre 14, 2026.
Read: Wilbert Ross, Bea Binene tackle Pinoy Pee Mak adaptation
MARIO MAURER ENDORSES PEE MAK PH ADAPTATION
Ito ang pahayag ni Mario sa videotaped message na ipinadala niya sa Viva Films: “Mabuhay Philippines from Mario Maurer!
"Thank you for loving our film Pee Mak.
“I want to congratulate Wilbert Ross and the whole cast of the Philippine version of Pee Mak.
"I know guys that you will do it great and I’m inviting everyone to catch up Pee Mak in Philippine cinemas on October 14th.
“I’m sure guys you’re gonna have a great time there. See you, mahal ko kayo!”
Nakipag-ugnayan kay Wilbert ang Cabinet Files ngayong Martes ng gabi, Setyembre 22, 2026, para sa reaksiyon niya sa imbitasyon ni Mario na tangkilikin ang Philippine version ng Pee Mak.
“Nakakataba po ng puso,” sabi ni Wilbert.
Nagpahayag din ng interes ang Filipino actor na makilala nang personal si Mario.
Saad niya: “Siyempre, isa si Mario sa mga talagang big star po sa Thailand. It’s an honor na ma-portray ko ang role niya as Mak sa Pee Mak.
“Kung may chance po, gusto ko siyang ma-meet dahil high school student pa lang ako, napanood ko na ang movie niya na Crazy Little Thing Called Love at ang Pee Mak.”
Read: Kira Balinger denies hotel-room invite claim tied to JMFyang blind item